IND W vs PAK W: पाकिस्तानविरुद्ध हरमनप्रीत कौर रचणार इतिहास, नाणेफेकीला उतरताच नावावर करणार विक्रम
आशिया कप स्पर्धेत भारत पाकिस्तान सामना थोड्याच वेळात सुरू होणार आहे. या सामन्यात भारताकडून विक्रम रचण्याची चढाओढ दिसून येत आहे. असं असताना हरमनप्रीत कौरही नाणेफेक होताच विक्रम रचणार आहे.
वुमन्स आशिया कप 2026 स्पर्धेत भारतासमोर पुढचं आव्हान पाकिस्तानचं आहे. पण हे आव्हान काही कठीण असंच दिसून येत आहे. या सामन्यात नाणेफेकीचा कौल होताच कर्णधार हरमनप्रीत कौरच्या नावावर विक्रम रचला जाणार आहे. (Photo: Getty)
हरमनप्रीत पाकिस्तानविरुद्ध 17वा टी20 सामना खेळण्यास उतरणार आहे. आंतरराष्ट्रीय टी20 क्रिकेटमध्ये हा 2025वा सामना असेल. पण कर्णधार म्हणून हा 150 सामना असून एक विश्वविक्रम आहे. (Photo: Getty)
पाकिस्तानविरुद्ध नाणेफेकीचा कौल होता. हरमनप्रीत कौर टी20 आंतरराष्ट्रीय क्रिकेटमध्ये 150 सामन्यात कर्णधारपद भूषवणारी जगातील पहिली खेळाडू ठरेल. आजपर्यंत इतक्या सामन्यात पुरूष असो की महिला यांनी कर्णधारपद भूषवलेलं नाही. (Photo: Getty)
हरमनप्रीत कौरने 149 टी20 आंतरराष्ट्रीय सामन्यात कर्णधारपद भूषवलं आहे. यात 86 सामन्यात विजय, तर 57 सामन्यात पराभवाचं तोंड पाहिलं आहे. एक सामना बरोबरीत सुटला तर 5 सामन्यांचा निकाल लागला नाही. त्यामुळे तिची विजयी टक्केवारी 60.06 टक्के आहे. (Photo: Getty)
हरमनप्रीत कौरने पाकिस्तानविरुद्ध 11 टी20 आंतरराष्ट्रीय सामन्यात कर्णधारपद भूषवलं आहे. यात दहा सामन्यात विजय, तर एका सामन्यात पराभवाचं तोंड पाहिलं आहे. या सामन्यात हरमनप्रीतने 197 धावा आणि 2 विकेट घेतल्या आहेत. (Photo: Getty)
