AUS vs PAK : नवव्या स्थानावर उतरलेल्या आमेर जमालने ऑस्ट्रेलियाला फोडला घाम, नोंदवला असा विक्रम
ऑस्ट्रेलिया आणि पाकिस्तान यांच्यात कसोटी मालिकेतील शेवटचा सामना सुरु आहे. पाकिस्तानने टॉस जिंकत प्रथम फलंदाजी केली. पाकिस्तानची सुरुवात खराब झाली पण तळाच्या फलंदाजांनी जबरदस्त कमबॅक केली. नवव्या स्थानावर उतरलेल्या आमेर जमालने जबरदस्त कामगिरी केली.
तिसऱ्या कसोटीच्या पहिल्या दिवसावर पाकिस्तानची पकड दिसली. पहिल्या दिवशी सर्वबाद 313 धावा केल्या. तर ऑस्ट्रेलियाने दिवसअखेर बिनबाद 6 धावा केल्या. त्यामुळे पहिला दिवस पाकिस्तानने गाजवला असंच म्हणावं लागेल.
पाकिस्तानच्या 96 धावा असताना निम्मा संघ तंबूत परतला होता. मात्र त्यानंतर शेपटच्या फलंदाजांनी जबरदस्त झुंज दिली. मधल्या फळीच्या मोहम्मद रिझवानला आघा सलमानची साथ मिळाली. त्यानंतर नवव्या स्थानावर उतरत आमेर जमालने ऑस्ट्रेलियन गोलंदाजांना घाम फोडला.
आमेर जमाल फलंदाजीसाठी नवव्या स्थानावर आला होता. त्यामुळे मिचेल स्टार्क, पॅट कमिन्स, जोश हेझलवूड, नाथन लियॉन यांच्या गोलंदाजीचा सामना करून तग धरणं कठीण होतं. पण आमेर जमालने ऑस्ट्रेलियन गोलंदाजांना बॅकफूटवर ढकललं.
आमेरने 97 चेंडूंचा सामना करत 4 षटकार आणि 9 चौकारांच्या मदतीने 82 धावा केल्या. या खेळीसह त्याने कसोटीत एक मोठा विक्रम आपल्या नावावर केला आहे.
पाकिस्तानकडून ऑस्ट्रेलियात कसोटी नवव्या स्थानावर सर्वाधिक धावा करणारा खेळाडू ठरला आहे. आमेरच्या पूर्वी या स्थानावर कोणत्याही फलंदाजाने इतक्या धावा केल्या नव्हत्या.
ऑस्ट्रेलियात नवव्या स्थानावर फलंदाजी करताना वैयक्तिक सर्वाधिक कसोटी धावसंख्या करणारा तिसरा खेळाडू आहे. यापूर्वी एडम परोरेने 2001 मध्ये 110, तर जॉन ब्रेसवेलने नाबाद 83 धावांची खेळाडू केली होती.
