FIFA : फूटबॉलपटूचं कुटुंब संकटात! फुटबॉल सोडण्याचा विचार होता, पण आईने रोखलं आणि आता..
फिफा वर्ल्डकप स्पर्धेत भाग घेणाऱ्या अनेक खेळाडूंची कथा हृदयाला भिडणाऱ्या आहेत. असंच काहीसं फुटबॉलपटू अमीन हुसैनसोबत घडलं. फुटबॉल सोडण्याचा विचारात होता. पण आता स्टार फुटबॉलपटू म्हणून नावलौकिक आहे.
फिफा वर्ल्डकप स्पर्धेत एक नाव चर्चेत आहे. इराकचा 30 वर्षीय फुटबॉलपटू अमीन हुसैनची चर्चा रंगली आहे. सध्या स्टार फुटबॉलपटू म्हणून ख्याती असलेल्या अमीनची कहाणी संघर्षमय आहे. यशाची वाट दु:ख आणि वेदनेतून इथपर्यंत पोहोचली आहे. (Photo: Getty)
अमीन हुसैन 12 वर्षांचा होता तेव्हा त्याच्या वडिलांची अल कायदाने हत्या केली होती. त्यानंतर 2014 मध्ये त्याच्या भावाचं आयसिसने अपहरण केलं होतं. त्याचा अजूनपर्यंत पत्ता नाही. (Photo: Getty)
देशाचा स्टार फुटबॉलपटू यूनिस मोहम्मदच्या निवृत्तीनंतर अमीन हुसैनला इराकच्या संघात स्थान मिळालं. पण येथेही त्याला सहजासहजी खेळता आलं नाही. त्यामुळे लोकांना त्याची खिल्ली उडवली. (Photo: Getty)
आंतरराष्ट्रीय कारकिर्दीची सुरूवात निराशाजनक झाल्याने त्याने फुटबॉल सोडण्याचा निर्णय घेतला. पण त्याच्या आईने त्याला तसं करण्यापासून रोखलं. त्यानंतर जे घडलं तो इतिहास आहे. 20 वर्षांचा असताना इराक संघाला अंतिम फेरीचं तिकीट मिळवून दिलं. त्याच्यामुळे 40वर्षात इराक बॅक टू बॅक दोन फिफा वर्ल्डकप खेळत आहे. (Photo: Getty)
फिफा वर्ल्डकप खेळण्यासाठी अमेरिकेत आला तेव्हा त्याची 7 तास चौकशी केली गेली. त्यानंतर त्याला मैदानात उतरता आलं. त्यानंतर नॉर्वेविरुद्ध पहिला सामना खेळला आणि इराकसाठी पहिला आणि ऐतिहासिक गोलही केला. (Photo: Getty)
