8 गोल.. पण कोणताही संघ जिंकला नाही, FIFA World Cup स्पर्धेत 16 वर्षानंतर पहिल्यांदाच असं घडलं
फिफा वर्ल्डकप 2026 स्पर्धा काही घडामोडी स्मरणात राहतील अशा आहेत. या स्पर्धेच्या इतिहासात 16 वर्षानंतर एका दिवसात खेळलेले सर्व सामने ड्रॉ झाले. असं यापूर्वी 2010 मध्ये घडलं होतं.
फिफा वर्ल्डकप स्पर्धेत 2010 नंतर पहिल्यांदा एका दिवसात खेळलेल्या सर्व सामन्यात एकही विजय झाला नाही. या स्पर्धेतील पाचव्या दिवशी चार सामने खेळले गेले आणि यात एकूण 8 गोल मारले गेले. पण एकही सामना विजयी ठरू शकलेला नाही. (Photo: Getty Images)
पाचव्या दिवशी पहिला सामना स्पेन आणि केप वर्ड यांच्यात खेळला गेला. या सामन्यात एकही गोल झाला नाही. हा सामना 0-0 ने बरोबरीत सुटला. केप वर्डचा हा या स्पर्धेतील पदार्पणाचा सामना होता. त्यांनी वर्ल्ड नंबर 3 संघाला एकही गोल करू दिला नाही. (Photo: Getty Images)
दुसरा सामना बेल्जियम आणि इजिप्त यांच्यात झाला. हा सामनाही ड्रॉ झाला. या सामन्यात इजिप्तकडून इमाम ओशोरने 20व्या मिनिटाला गोल केला. त्यानंतर ही आघाडी पहिल्या डावात कायम राहिली. पण दुसऱ्या हाफमध्ये बेल्जियमच्या मोहम्मद हैनीने गोल मारला आणि हिशेब बरोबर केला. (Photo: Getty Images)
तिसरा सामना सौदी अरब आणि उरुग्वे यांच्यात झाला. हा सामना देखील 1-1 ने बरोबरीत सुटला. या सामन्यात 41व्या मिनिटाला सौदी अरबकड़ून अल अमीरीने गोल मारला होता. त्यानंतर 80व्या मिनिटाला उरूग्वेने गोल मारला बरोबरी साधली. (Photo: Getty Images)
इराण आणि न्यूझीलंड यांच्यात चौथा सामना खेळला गेला. या सामन्यात सर्वाधिक गोल पाहायला मिळाले. पण तरीही सामना ड्रा झाला. या सामन्यात इराण आणि न्यूझीलंडने प्रत्येकी दोन गोल मारले. त्यामुळे सामना 2-2 ने बरोबरीत सुटला. (Photo: Getty Images)
