T20 World Cup 2026: मोठा धमाका, भारताला फायनलआधीच लॉटरी, इतके कोटी फिक्स, किती मिळणार?
T20 World Cup 2026 Prize Money: अहमदाबादमधील नरेंद्र मोदी स्टेडियममध्ये आयसीसी टी 20i वर्ल्ड कप 2026 स्पर्धेच्या अंतिम फेरीत गतविजेत्या आणि यजमान टीम इंडियासमोर न्यूझीलंडचं आव्हान असणार आहे. या सामन्याआधीच दोन्ही संघ मालामाल होणार असल्याचं निश्चित आहे.
आयसीसी टी 20i वर्ल्ड कप 2026 स्पर्धेसाठी अंतिम फेरीतील दोन्ही संघ अखेर निश्चित झाले आहेत. वर्ल्ड कप ट्रॉफीसाठी टीम इंडिया विरुद्ध न्यूझीलंड आमनेसामने असणार आहेत. हा महामुकाबला 8 मार्चला अहमदाबादमधील नरेंद्र मोदी स्टेडियममध्ये होणार आहे. परंपरेनुसार, अंतिम सामन्यानंतर विजयी, उपविजेता आणि इतर सहभागी संघांना बक्षिस रक्कम देण्यात येते. (Photo Credit : PTI)
टी 20i वर्ल्ड कप स्पर्धेच्या नवव्या पर्वात (Icc T20i World Cup 2024) सर्वाधिक बक्षिस रक्कम देण्यात आली. आयसीसीने 2024 साली बक्षिस रक्कम म्हणून एकूण 103 कोटी रुपये वाटले होते. तेव्हा वर्ल्ड कप विजयी संघाला अर्थात टीम इंडियाला 2.45 मिलियन डॉलर इतकी रक्कम बक्षिस म्हणून देण्यात आली. तर उपविजेत्या दक्षिण आफ्रिकेला 1.28 मिलियन डॉलर इतकी रक्कम बक्षिस म्हणून देण्यात आली होती. (Photo Credit : PTI)
आयसीसीने आतापर्यंत स्पर्धेच्या दहाव्या पर्वासाठी बक्षिस रक्कम जाहीर केलेली नाही. मात्र असं असलं तर उपविजेत्या संघाला किमान 12 कोटी रुपये मिळणार असल्याचं निश्चित समजलं जात आहे. (Photo Credit : PTI)
तसेच बीसीसीआयने टीम इंडियाच्या विजयानंतर 125 कोटी रुपयांचं बक्षिस जाहीर केलं होतं. त्यामुळे यंदाही टीम इंडिया वर्ल्ड चॅम्पियन ठरली तर बीसीसीआय पेटारा उघडण्यात मागे पुढे पाहणार नाही. (Photo Credit : PTI)
दरम्यान इंडिया आयसीसी टी 20i वर्ल्ड कप स्पर्धेच्या अंतिम फेरीत सर्वाधिक 4 वेळा खेळणारी पहिली टीम ठरणार आहे. टीम इंडियाने याआधी 3 पैकी 2 वेळा अंतिम सामन्यात विजय मिळवला होता. तर भारताला एकदा उपविजेता म्हणून समाधान मानावं लागलं होतं. (Photo Credit : PTI)
