T20i World Cup 2026 : उपांत्य फेरीसाठी 52 सामन्यांनंतर 4 संघ निश्चित, पहिला सामना केव्हा?
T20i World Cup 2026 Semi Final Schedule : आयसीसी टी 20i वर्ल्ड कप स्पर्धेच्या दहाव्या पर्वातील उपांत्य फेरीत इंग्लंड, न्यूझीलंड, दक्षिण आफ्रिका आणि टीम इंडियाने प्रवेश केला आहे. तर नवव्या पर्वात भारत, इंग्लंड, दक्षिण आफ्रिका आणि अफगाणिस्तानने धडक दिली होती.
यजमान टीम इंडियाने रविवारी 1 मार्चला वेस्ट इंडिजचा 5 विकेट्सने धुव्वा उडवला. भारताच्या विजयासह आयसीसी टी 20i वर्ल्ड कप 2026 स्पर्धेसाठी 4 संघ निश्चित झाले. या 4 पैकी 3 संघ सलग दुसऱ्यांदा सेमी फायनलमध्ये आले आहेत. त्याबाबत जाणून घेऊयात. (Photo Credit : Bcci X Account)
इंडिया सुपर 8 मध्ये विंडीजला पराभूत करत सेमी फायनलमध्ये पोहचणारी चौथी टीम ठरली. टीम इंडियाची उपांत्य फेरीत पोहचण्याची ही एकूण सहावी तर सलग तिसरी वेळ ठरली. (Photo Credit :@surya_14kumar X Account)
त्याआधी शनिवारी 28 फेब्रुवारीला पाकिस्तानचे गोलंदाज श्रीलंकेला सुपर 8 मध्ये नेट रनरेटच्या हिशोबाने धावा करण्यापासून रोखण्यात अपयशी ठरले. यासह न्यूझीलंडने उपांत्य फेरीचं तिकीट मिळवलं. न्यूझीलंड उपांत्य फेरीत पोहचणारी तिसरी टीम ठरली. तसेच न्यूझीलंडची उपांत्य फेरीत पोहचण्याची ही एकूण चौथी वेळ ठरली. (Photo Credit : Icc X Account)
टीम इंडियाने 26 फेब्रुवारीला झिंबाब्वेला सुपर 8 फेरीत पराभूत केलं. झिंबाब्वेचं यासह स्पर्धेतून पॅकअप झालं. यासह गतउपविजेत्या दक्षिण आफ्रिकेने उपांत्य फेरीत प्रवेश मिळवला. (Photo Credit : Icc X Account)
इंग्लंड सेमी फायनलमध्ये पोहचणारी पहिली टीम ठरली. आता उपांत्य फेरीतील पहिल्या सामन्यात 4 फेब्रुवारीला दक्षिण आफ्रिका विरुद्ध न्यूझीलंड आमनेसामने असणार आहेत. हा सामना कोलकातामधील इडन गार्डन्समध्ये होणार आहे. तर उपांत्य फेरीतील दुसरा सामना हा 5 फेब्रुवारीला इंग्लंड विरुद्ध भारत यांच्यात मुंबईतील वानखेडे स्टेडियममध्ये होणार आहे. (Photo Credit : Icc X Account)
