IND vs AFG Test : टीम इंडियासाठी टेस्टमध्ये अफगाणिस्तान विरुद्ध सर्वाधिक धावा करणारे फलंदाज, केएल राहुल कितव्या स्थानी?
Most Runs vs Afghanistan By India In Test : टीम इंडिया विरुद्ध अफगाणिस्तान यांच्यातील एकमेव कसोटी सामना हा 2018 साली खेळवण्यात आला होता. त्यानंतर आता उभयसंघात 6 जून पासून एकमेव कसोटी सामन्याचा थरार रंगणार आहे. या निमित्ताने टीम इंडियासाठी अफगाणिस्तान विरुद्ध कसोटीत सर्वाधिक धावा करणाऱ्या फलंदाजांबाबत जाणून घ्या.
माजी सलामीवीर फलंदाज शिखर धवन याच्या नावावर अफगाणिस्तान विरुद्ध टीम इंडियासाठी सर्वाधिक धावांचा विक्रम आहे. धवनने 2018 साली 107 धावा केल्या होत्या. धवनने या खेळीत 3 षटकार आणि 19 चौकार लगावले होते. (Photo Credit : PTI)
धवन व्यतिरिक्त माजी फलंदाज मुरली विजय यानेही या सामन्यात शतक ठोकलं होतं. मुरलीने 105 धावा केल्या होत्या. मुरलीने या खेळीत 15 चौकार आणि 1 षटकार लगावला होता. अफगाणिस्तान विरुद्ध धवन आणि विजय या दोघांनीच शतक झळकावलं आहे. (Photo Credit : Bcci Photo)
हार्दिक पंड्या याने अफगाणिस्तान विरुद्ध याच सामन्यात 71 धावा केल्या होत्या. हार्दिकने या खेळीत 10 चौकारांच्या मदतीने 40 धावा केल्या होत्या. मात्र हार्दिक सध्या कसोटी संघाचा भाग नाही. (Photo Credit : Twitter/@ICC)
केएल राहुल याने हार्दिक प्रमाणे अफगाणिस्तान विरुद्ध 2018 साली झाल्या सामन्यात 8 चौकारांच्या मदतीने 54 धावा केल्या होत्या. आता केएल अफगाणिस्तान विरुद्ध उपकर्णधार म्हणून खेळणार आहे. (Photo Credit : PTI)
माजी फलंदाज चेतेश्वर पुजारा याने अफगाणिस्तान विरुद्ध 35 धावांची खेळी केली होती. पुजाराने या 35 पैकी 24 धावा चौकारांच्या मदतीने केल्या होत्या. पुजाराने 6 चौकार लगावले होते. (Photo Credit : PTI)
