IND vs AFG : कसोटी सामन्यात गिलकडे विक्रमाची मोठी संधी, धोनी-गांगुलीचा विक्रम रडारवर
भारत आणि अफगाणिस्तान यांच्यात एकमेव कसोटी सामना होणार आहे. शुबमन गिलच्या नेतृत्वात भारतीय संघ मैदानात उतरणार आहे. 6 जूनपासून सुरू होणाऱ्या या सामन्यात शुबमन गिलकडे विक्रम रचण्याची मोठी संधी आहे. धोनी आणि गांगुली यांना मागे टाकू शकतो.
भारत आणि अफगाणिस्तान यांच्यात 6 जूनपासून न्यू चंदीगडच्या मुल्लापूर स्टेडियममध्ये एक कसोटी सामना खेळला जाणार आहे. या सामन्यासाठी भारतीय संघात काही नवीन खेळाडूंचा समावेश केला गेला आहे. असं असताना सर्वांचा नजरा या कर्णधार शुबमन गिलकडे असणार आहेत. (Photo: PTI)
शुबमन गिल दक्षिण अफ्रिकेविरुद्ध 2025 मध्ये शेवटचा कसोटी सामना खेळला होता. पहिल्याच सामन्यात दुखापत झाली आणि स्पर्धेच्या मध्यातच बाहेर पडला. त्यानंतर दुसऱ्या कसोटी सामन्यात खेळला नाही. आता अफगाणिस्तानविरुद्ध कसोटी सामना खेळणार आहे. या सामन्यात त्याच्याकडे विक्रमाची संधी आहे. (फोटो-Gareth Copley/Getty Images)
कर्णधार म्हणून महेंद्रसिंह धोनी आणि सौरव गांगुली यांना मागे टाकण्याची एक संधी आहे. या सामन्यात त्याला फक्त एक शतक ठोकायचं आहे. असं झालं तर कर्णधार म्हणून शतक ठोकत महेंद्रसिंह धोनी आणि सौरव गांगुली यांना मागे टाकेल. (Photo: PTI)
शुबमन गिलने कसोटी कर्णधारपदाची धुरा 2025 मध्ये खांद्यावर घेतली होती. इंग्लंड दौऱ्यापासून त्याने हा पदभार स्वीकारला आहे. यात त्याने 8 सामन्यातील 14 डावात 5 शतकं ठोकली आहे. तसेच एक अर्धशतक त्याच्या नावावर आहे. (Photo: PTI)
कसोटी क्रिकेटमध्ये कर्णधार म्हणून सर्वाधिक शतकं ही विराट कोहलीने मारली आहे. विराट कोहलीने 20, सुनील गावस्कर यांनी 11, मोहम्मद अझहरूद्दीनने 9, सचिन तेंडुलकरने 7 शतकी खेळी केल्या आहेत. आता शुबमन गिल यांच्या पुढे जाणार का? हे पाहणं औत्सुक्याचं ठरेल. (Photo: PTI)
