शुबमन गिल

रोहित शर्मा याच्या निवृत्तीनंतर शुबमन गिल याला कसोटी संघाचं कर्णधारपद देण्यात आलं आहे. शुबमनला वयाच्या 25 व्या वर्षी इतकी मोठी जबाबदारी मिळाली. शुबमनचा जन्म 8 सप्टेंबर 1999 रोजी पंजाबमधील फाजिल्का येथे झाला. शुबमनने आंतर जिल्हा अंडर 16 सामन्यात मोहालीकडून खेळताना 351 धावा केल्या. त्यानंतर 14 व्या वर्षी शुबमननेने विजय मर्चंट ट्रॉफीमध्ये पंजाबकडून 16 वर्षांखालील पदार्पणात द्विशतक झळकावलं. शुबमन अंडर 19 क्रिकेट टीमचा उपकर्णधार होता. शुबमनने 2018 मध्ये 372 धावांची महत्त्वाची खेळी खेळली. शुबमन गिलने 2019 मध्ये न्यूझीलंडविरुद्ध भारताकडून एकदिवसीय क्रिकेटमध्ये पदार्पण केलं. तर शुबमनला 2020 मध्ये ऑस्ट्रेलिया विरुद्ध कसोटी पदार्पणाची संधी मिळाली. शुबमन तेव्हापासून सातत्याने टीम इंडियासाठी खेळतोय. शुबमनवर आता फलंदाजीसह कर्णधारपदाची दुहेरी जबाबदारी आहे.