शरद पवार, जय आणि पार्थ पवार यांच्यात दीड तास बैठक सुरु

बारामती येथील विद्या प्रतिष्ठानमध्ये राष्ट्रवादी काँग्रेसचे अध्यक्ष शरद पवार, जय पवार आणि पार्थ पवार यांच्यात दीड तासांपासून एक महत्त्वपूर्ण बैठक सुरु आहे. या बैठकीचा मुख्य उद्देश दिवंगत माजी उपमुख्यमंत्री अजित पवार यांच्या स्मारकासाठी जागा निश्चित करणे हा असल्याचे म्हटले जात आहे.

सकाळपासून सुरु असलेल्या या चर्चेत पवारांच्या तिसऱ्या पिढीतील नेते सहभागी झाले आहेत. स्मारकाच्या जागेसह विद्या प्रतिष्ठानच्या विश्वस्त मंडळाशी संबंधित काही मुद्द्यांवरही विचारविनिमय होण्याची शक्यता आहे. यापूर्वी सकाळी शरद पवारांनी गोविंदबाग येथे पत्रकार परिषद घेतली होती, त्यावेळी त्यांनी स्मारकाबाबत कोणतीही चर्चा झाली नसल्याचे सांगितले होते. मात्र, त्यानंतर लगेचच विद्या प्रतिष्ठान येथे ही बैठक सुरू झाल्याने राजकीय वर्तुळात अनेक तर्कवितर्क लावले जात आहेत. बैठकीतील निर्णयांवर सर्वांचे लक्ष लागले आहे.