Gunaratna Sadavarte On Raj Thackeray : राज ठाकरे काहीही करा, छठपूजा थांबणार नाही; सदावर्तेंचं थेट आव्हान

ॲड. गुणरत्न सदावर्ते यांनी महाराष्ट्र नवनिर्माण सेनेचे अध्यक्ष राज ठाकरे यांना छठपूजेच्या मुद्द्यावरून थेट आव्हान दिले आहे. राज ठाकरेंनी काहीही केले तरी छठपूजा थांबणार नाही, असे सदावर्ते यांनी ठामपणे सांगितले. “कोण आहे राज ठाकरे? त्यांना कोण विचारतंय?” अशा शब्दांत त्यांनी राज ठाकरेंच्या अधिकारावर आणि प्रभावावर प्रश्नचिन्ह उपस्थित केले.

सदावर्ते यांनी आपल्या टीकेमध्ये उद्धव ठाकरे यांचाही उल्लेख केला. ते म्हणाले की, “मी जेव्हा राज ठाकरे म्हणतो, तेव्हा उद्धव ठाकरे यांचाही विचार करा.” या दोन्ही नेत्यांनी ग्रामपंचायतीच्या निवडणुकीची तयारी करून ठेवावी, असा खोचक सल्ला त्यांनी दिला. पुढे बोलताना सदावर्ते यांनी म्हटले की, “हे हिंदुस्तान आहे, भारत आहे. हे पाकिस्तान नाही.” त्यामुळे मनमर्जीप्रमाणे उत्सव साजरे होणार, असे सूचित केले.

छठपूजा कशी थांबवणार, असा सवाल त्यांनी राज ठाकरेंना विचारत, काहीतरी ठोस उपाययोजना किंवा थेअरी सादर करण्याचे आव्हान दिले. “नाही थांबणार छठपूजा. आंघोळ ठेवा त्या. कोणत्याच परिस्थितीत छठपूजा थांबणार नाही,” असे स्पष्ट करत सदावर्ते यांनी छठपूजेबाबत आपली भूमिका अत्यंत स्पष्ट केली आहे.