IND vs ENG: कार्डिफमध्ये वनडेत भारताची कामगिरी कशी आहे? 33 सामन्यांची आकडेवारी वाचा
England vs India: भारत आणि इंग्लंड यांच्यात दुसरा वनडे सामना कार्डिफच्या शोफिया गार्डनमध्ये होणार आहे. या मैदानात भारताचा रेकॉर्ड कसा आहे? यावरून चर्चा रंगली आहे. भारताने या मैदानात किती सामने खेळले? किती जिंकले? चला जाणून भारताचा इंग्लंडविरुद्धचा रेकॉर्ड
तीन सामन्यांच्या वनडे मालिकेत भारताने 1-0 ने आघाडी घेतली आहे. त्यामुळे दुसऱ्या सामन्यात मालिका खिशात घालण्याची संधी टीम इंडियाकडे आहे. दुसरा वनडे सामने कार्डिफच्या शोफिया गार्डनमध्ये होणार आहे. भारतीय वेळेनुसार हा सामना संध्याकाळी साडे पाच वाजता सुरू होईल. (Photo: PTI/Getty)
कार्डिफमध्ये भारताचा आतापर्यंतचा खेळ कसा आहे?यावरून चर्चा सुरूआहे. या मैदानात एकूण 33 वनडे सामने खेळले गेले आहे. त्यात पहिल्यांदा फलंदाजी करणारा संघ 8 वेळा, तर प्रथम गोलंदाजी करणारा संघ 21 वेळा जिंकला आहे. त्यामुळे या मैदानात धावांचा पाठलाग करणं सोपं आहे, असं दिसतेय. (Photo: PTI/Getty)
कार्डिफमध्ये पहिल्या डावात सरासरी धावसंख्या ही 223 आहे. तर दुसऱ्या डावात हीच सरासरी 209 धावांची आहे. म्हणजे या मैदानात हायस्कोरिंग धावांची आशा बाळगणं चुकीचं ठरेल. (Photo: PTI/Getty)
भारताने कार्डिफच्या शोफिया गार्डनमध्ये एकूण 4 सामने खेळले आहेत. त्यापैकी तीन सामन्यात विजय, तर एका सामन्यात पराभवाचं तोंड पाहिलं आहे. भारताने धावांचा पाठलाग करताना एक सामना जिंकला आहे.तर दोन सामने प्रथम फलंदाजी करून जिंकले आहे. तर एक सामना प्रथम फलंदाजी करून गमावला आहे. (Photo: PTI/Getty)
भारताने इंग्लंडविरुद्ध कार्डिफमध्ये दोन वनडे सामने खेळले आहेत. त्यात एकात विजय मिळवला आहे, तर सामना गमावला आहे. कार्डिफमध्ये टीम इंडियाने 2014 नंतर एकही सामना जिंकलेला नाही. (Photo: PTI/Getty)
