IND vs ENG: एजबेस्टनमध्ये शुबमन गिलने रचला इतिहास, 11 वर्षात अशी कामगिरी करणारा पहिला संघ
India vs England: तीन सामन्यांच्या वनडे मालिकेतील पहिल्या सामन्यात भारताने विजय मिळवला. एजबेस्टनमध्ये खेळल्या गेलेल्या सामन्यात भारताने विजय मिळवून इतिहास रचला. 11 वर्षात अशी कामगिरी करणारा पहिला संघ ठरला आहे.
टी20 मालिकेत इंग्लंडने भारताचा दारूण पराभव केला. त्यामुळे वनडे मालिकेत कमबॅकची अपेक्षा होती. झालंही तसंच.. 14 जुलैला खेळल्या गेलेल्या वनडे मालिकेतील पहिल्या सामन्यात भारताने विजय मिळवला. या विजयासह शुबमन गिल आणि भारतीय संघाने एजबेस्टनमध्ये इतिहास रचला. (Photo: PTI)
इंग्लंडला 11 वर्षानंतर एजबेस्टनमध्ये पराभूत करणारा शुबमन गिल हा पहिला कर्णधार आहे. तसेच त्याच्या नेतृत्वात वर्ल्ड क्रिकेटमध्ये अशी कामगिरी करणारा भारत पहिला देश आहे. (Photo: PTI)
इंग्लंडला एजबेस्टनमध्ये शेवटचा पराभव भारताकडून सहन करावा लागला होता. एमएस धोनीच्या नेतृत्वात भारताला 2014 मध्ये विजय मिळाला होता. पण त्यानंतर इंग्लंडने मागच्या 11 वर्षात सलग 7 वनडे सामने जिंकला. त्यानंतर आठव्या वनडे सामन्यात भारताने इंग्लंडला पराभवाची धूळ चारली. (Photo: PTI)
एजबेस्टनमध्ये इंग्लंड पराभूत होत नाही असं एक समीकरण गेल्या 11 वर्षात होतं. मात्र शुबमन गिलच्या नेतृत्वात हा अभेद्य किल्ला सर केला. शुबमन गिलने या सामनयात 80 धावांची महत्त्वपूर्ण खेळी केली. पण क्रॅम्प आल्याने मैदान सोडावं लागलं. नाही तर शतकी कारनामा नक्की केला असता. (Photo: PTI)
भारतीय संघाने एजबेस्टनमध्ये 11 वर्षानंतर विजयी पताका फडकावली आहे. एजबेस्टन मैदानावर मागील 11 वर्षांत (2015 ते 2026 दरम्यान) वनडे क्रिकेटमध्ये इंग्लंडला पराभूत करणारा भारत हा जागतिक क्रिकेटमधील एकमेव संघ ठरला आहे. दुसरीकडे, भारताने इंग्लंडला सलग सहाव्या वनडे सामन्यात पराभूत केलं आहे. (Photo: PTI)
