IPL 2023 Best Playing 11 : आयपीएलमधील सर्वोत्कृष्ट प्लेइंग 11, या खेळाडूंना दिलं मानाचं स्थान; वाचा कोण कोण आहेत
आयपीएल 2023 स्पर्धा पार पडली असून जेतेपदावर चेन्नई सुपर किंग्सने नाव कोरलं आहे. मात्र असं असलं तरी काही खेळाडूंनी चमकदार कामगिरी करून आपली छाप सोडली आहे. या खेळाडूंची बेस्ट प्लेइंग इलेव्हनमध्ये निवड झाली आहे.
आयपीएल 2023 स्पर्धेच्या अंतिम फेरीत चेन्नई सुपर किंग्सने गुजरात टायटन्सचा पराभव करत जेतेपदावर नाव कोरलं. चेन्नईने आयपीएल इतिहासात पाचव्यांदा जेतेपद पटकावलं आहे.
या आयपीएलमध्ये सीनियर खेळाडूंसोबत ज्युनियर्सही चमकले हे विशेष. त्यामुळे ज्युनियर आणि सीनियर्सही ऑरेंज कॅप आणि इतर पुरस्कारांच्या शर्यतीत होते.
या आयपीएलमध्ये समालोचक म्हणून भूमिका बजावलेला इंग्लंडचा माजी खेळाडू केविन पीटरसन याने स्पर्धेतील सर्व सामने पाहिले. त्यांनी आयपीएल 2023 मधील सर्वोत्कृष्ट खेळणाऱ्या इलेव्हनची घोषणा केली आहे. यात सर्वोत्तम कामगिरी करणाऱ्या खेळाडूंचा समावेश आहे.
पीटरसनने निवडलेल्या सर्वोत्कृष्ट संघाच्या यादीत महेंद्रसिंग धोनी, रवींद्र जडेजा, ऋतुराज गायकवाड, डेव्हॉन कॉनवे या चॅम्पियन संघातील खेळाडूंना स्थान देण्यात आले नाही. आरसीबीने संघातील तीन सदस्यांचा यात समावेश आहे.केविन पीटरसनने निवडलेली सर्वोत्कृष्ट इलेव्हन वाचा.
फाफ डु प्लेसिस (रॉयल चॅलेंजर्स बंगळुरु)
शुभमन गिल (गुजरात टायटन्स)
विराट कोहली (रॉयल चॅलेंजर्स बंगळुरु)
सूर्यकुमार यादव (मुंबई इंडियन्स)
हेन्रिक क्लासेन (सनराईजर्स हैदराबाद)
रिंकू सिंग (कोलकाता नाईट रायडर्स)
राशिद खान (गुजरात टायटन्स)
अक्षर पटेल (दिल्ली कॅपिटल्स)
मोहम्मद शमी (गुजरात टायटन्स)
मोहम्मद सिराज (रॉयल चॅलेंजर्स बंगळुरु)
मथिशा पथिराणा (चेन्नई सुपर किंग्स)
