आठव्या षटकात तिसऱ्या क्रमांकावर आलेल्या साई सुदर्शनने पहिल्या 12 चेंडूत केवळ 10 धावा केल्या. पण संघाची एकूण धावसंख्या 100 च्या पार गेल्याने साईने आपल्या फलंदाजीचा गियर बदलला.
साई सुदर्शनचा आक्रमक पवित्रा पाहून महेंद्रसिंह धोनीला गोलंदाजी अनेक बदल करावे लागले. पण साईचं वादळ रोखू शकले नाहीत.
साई सुदर्शनने 33 चेंडूत आपले अर्धशतक पूर्ण केले. यावेळी क्रिझवर आलेल्या हार्दिक पांड्याने त्याला चांगली साथ दिली.
साई सुदर्शनने अवघ्या 47 चेंडूत 6 उत्तुंग षटकार आणि 8 चौकारांसह 96 धावा केल्या. परिणामी, सीएसके संघाला निर्धारित 20 षटकात 214 धावांचं आव्हान मिळालं.
साई सुदर्शनला सर्वोत्तम क्रिकेटपटू बनवण्याचे श्रेय चेन्नई सुपर किंग्सला जाते. कारण तामिळनाडूत राहणारा साई सुदर्शन 2018 मध्ये चेन्नई सुपर किंग्स फ्रँचायझीद्वारे चालवल्या जाणाऱ्या ज्युनियर सुपर किंग्स लीगमध्ये खेळला होता.
लायका कोवाई किंग्सकडून खेळणाऱ्या साई सुदर्शनची नंतर भारत-अ संघात निवड झाली. पण यानंतर साई सुदर्शनला आयपीएलमधील चेन्नई सुपर किंग्स फ्रँचायझीने विकत घेतले नाही.
गेल्या मोसमात गुजरात टायटन्स फ्रँचायझीने चेन्नईच्या खेळाडूला अवघ्या 20 लाख रुपयांना विकत घेतले होते.