दोन वर्षे संघातून बाहेर, आता थेट परदेशी संघाची साथ! टीम इंडियाच्या ‘या’ खेळाडूने घेतला मोठा निर्णय
भारताचा वेगवान गोलंदाज मुकेश कुमार आता इंग्लंडच्या प्रसिद्ध काउंटी चॅम्पियनशिपमध्ये खेळताना दिसणार आहे. इंग्लिश काउंटी क्लब नॉटिंघमशर संघाने 2026 च्या हंगामातील शेवटच्या दोन महत्त्वाच्या सामन्यांसाठी मुकेश कुमारसोबत करार केला आहे.
काउंटी चॅम्पियनशिप डिव्हिजन वनचा हा हंगाम आता अत्यंत रोमांचक वळणावर पोहोचला आहे. नॉटिंघमशर संघ सध्या विजेतेपदाच्या शर्यतीत आहे आणि मुकेश कुमारची धारदार स्विंग आणि सीम गोलंदाजी संघाला चॅम्पियन बनवण्यात महत्त्वाची भूमिका बजावू शकते. (PHOTO CREDIT- PTI)
नॉटिंघमशरचा संघ 185 गुणांसह गुणतालिकेत दुसऱ्या स्थानावर आहे. अव्वल स्थानी असलेल्या समरसेट संघापेक्षा ते अवघ्या 4 गुणांनी मागे आहेत, त्यामुळे शेवटचे दोन सामने त्यांच्यासाठी अतिशय निर्णायक आहेत. (PHOTO CREDIT- PTI)
या हंगामात आता फक्त दोन राउंडचा खेळ शिल्लक आहे. नॉटिंघमशरला आपले शेवटचे दोन सामने ससेक्स आणि यॉर्कशायरविरुद्ध खेळायचे आहेत. (PHOTO CREDIT- PTI)
मुकेश कुमार हा रेड बॉल क्रिकेटमधील एक उत्कृष्ट गोलंदाज मानला जातो. त्याच्या नावावर प्रथम श्रेणी क्रिकेटमध्ये 21.79 च्या अप्रतिम सरासरीने 233 विकेट्स घेण्याचा शानदार रेकॉर्ड नोंदवला गेला आहे. (PHOTO CREDIT- PTI)
मुकेश कुमारने भारतासाठी तिन्ही फॉरमॅट मिळून 26 आंतरराष्ट्रीय सामन्यांत 32 विकेट्स घेतल्या आहेत. परंतु, गेल्या दोन वर्षांपासून टीम इंडियाबाहेर आहे. अशा परिस्थितीत, काउंटी क्रिकेटमधील हे दोन सामने त्याच्यासाठी पुनरागमनाचा मार्ग मोकळा करण्यासाठी अत्यंत महत्त्वाचे ठरू शकतात. (PHOTO CREDIT- PTI)
