रोहित शर्माने इंग्लंडमध्ये ठोकलेल्या एका शतकाने साधले दोन विक्रम, सचिन तेंडुलकरला टाकलं मागे
भारताने इंग्लंडविरुद्धचा शेवटचा सामना आणि मालिकाही गमावली. पण रोहित शर्माने शतकी खेळी करून दोन विक्रमांना गवसणी घातली आहे. यासह त्याने मास्टर ब्लास्टर सचिन तेंडुलकर यालाही मागे टाकलं आहे.
लॉर्ड्सवर इंग्लंडविरुद्धचा शेवटच्या सामन्यात 387 धावांचा पाठलाग करताना भारतीय संघ 360 धावा करू शकला. या सामन्यात रोहित शर्माने केलेलं शतक व्यर्थ गेलं. पण त्याच्या शतकाने दोन विक्रम साधले आहेत. तसेच मास्टर ब्लास्टर सचिनला मागे टाकलं आहे. (Photo: PTI)
लॉर्ड्सवर सलामीवीर म्हणून सर्वाधिक शतक ठोकणाच्या यादीत रोहित शर्मा सचिन तेंडुलकरच्या पुढे निघून गेला आहे. रोहित शर्माने सलामीवीर म्हणून 389 डावात 46 शतकं ठोकली आहेत. तर सचिनने 342 डावात 45 शतकं ठोकली आहेत. (Photo: PTI)
सलामीवीर म्हणून सर्वाधिक आंतरराष्ट्रीय शतकं ही डेव्हिड वॉर्नरच्या नावावर आहे. त्याने 462 आंतरराष्ट्रीय डावात 49 शतकं ठोकली आहेत. रोहित शर्मा त्याच्या विक्रमापासून चार शतकं दूर आहे. (Photo: PTI)
वनडे सामन्यात धावांचा पाठलाग करताना सर्वाधिक शतकं ठोकण्याचा विक्रमातही रोहितने सचिनला मागे टाकलं आहे. धावांचा पाठलाग करताना रोहित शर्माचं हे 18वं शतक होतं. सचिन तेंडुलकरने धावांचा पाठलाग करताना 17 शतकं ठोकली आहेत. (Photo: PTI)
वनडे सामन्यात धावांचा पाठलाग करताना सर्वाधिक शतकं ठोकण्याचा विक्रम विराट कोहलीच्या नावावर आहे. त्याने 29 शतकं ठोकली आहे. रोहित शर्मा त्याचापासून 9 शतकं दूर आहे. (Photo: PTI)
