T20 WC : दक्षिण अफ्रिका-न्यूझीलंड उपांत्य फेरीच्या सामन्यात भारत-पाकिस्तान इफेक्ट, का ते जाणून घ्या
T20 World Cup 2026 1st SemiFinal: टी20 वर्ल्डकप 2026 स्पर्धेतील पहिला उपांत्य फेरीचा समना दक्षिण अफ्रिका आणि न्यूझीलंड यांच्यात होणार आहे. या सामन्यात भारत-पाकिस्तानसारखं द्वंद्व क्रीडाप्रेमींना अनुभवता येणार आहे. त्याला कारणंही तसंच आहे. चला जाणून घेऊयात.
क्रिकेट म्हंटलं तर भारत-पाकिस्तान या संघांचं द्वंद्व सर्वश्रूत आहे. पण क्रीडाप्रेमींना आणखी एक द्वंद्व टी20 वर्ल्डकप स्पर्धेच्या उपांत्य फेरीच्या पहिल्या सामन्यात अनुभवता येणार आहे. या सामन्यात न्यूझीलंड आणि दक्षिण अफ्रिका हे संघ भिडणार आहे. या दोन्ही संघाचा टी20 वर्ल्डकप स्पर्धेतील इतिहास पाहता तसंच म्हणावं लागेल. (फोटो- Prakash Singh/Getty Images)
टी20 वर्ल्डकप स्पर्धेच्या इतिहासात न्यूझीलंड आणि दक्षिण अफ्रिका या संघापैकी एक संघ कायम दुसर्या संघावर भारी पडला आहे. त्यामुळे दक्षिण अफ्रिका आणि न्यूझीलंड सामन्याचं महत्त्व वाढलं आहे. हा सामना 4 मार्चला होणार आहे. (Photo- Surjeet Yadav-ICC/ICC via Getty Images)
टी20 वर्ल्डकप स्पर्धेच्या इतिहासात आतापर्यंत दक्षिण अफ्रिका आणि न्यूझीलंड हे संघ पाच वेळा भिडले आहेत. पाचही वेळेस दक्षिण अफ्रिकेने न्यूझीलंडला पराभवाची धूळ चारली आहे. सध्या या स्पर्धेत दक्षिण अफ्रिकेची विजयी घोडदौड सुरू आहे. त्यामुळे न्यूझीलंडसमोर तगडं आव्हान असणार आहे. (Photo- ICC Twitter)
न्यूझीलंडसाठी हा फक्त उपांत्य फेरीचा सामना नाही तर ऐतिहासिक वचपा काढण्याची संधीही आहे. दक्षिण अफ्रिकेचा संघ फॉर्मात आहे. पण न्यूझीलंडकडेही अनुभवी खेळाडू आहेत. त्यामुळे या सामन्यात कोण बाजी मारणार याची उत्सुकता आहे. (Photo- ICC Twitter)
दक्षिण अफ्रिका आणि न्यूझीलंड पहिल्यांदा 2007 मध्ये भिडले होते. हा सामना दक्षिण अफ्रिकेने 6 विकेटने जिंकला होता. त्यानंतर 2009 मध्ये 1 धावेने, 2010 मध्ये 13 धावांनी, 2014 मध्ये 2 धावांनी, 2026 साखळी फेरीत 7 विकेटने पराभूत केलं होतं. (Photo- ICC Twitter)
