IPL 2026 : वैभव सूर्यवंशी नवा सिक्सर किंग, युनिव्हर्स बॉस ख्रिस गेलचा रेकॉर्ड ब्रेक
Most Sixes In An Season Of Ipl : वैभव सूर्यवंशी याने सनरायझर्स हैदराबाद विरुद्ध 97 धावांची खेळी केली. वैभवने या खेळीत तब्बल 12 षटकार खेचत भीमपराक्रम केला. जाणून घ्या.
राजस्थान रॉयल्सचा युवा फलंदाज वैभव सूर्यवंशी याने 27 मे रोजी एलिमिनेटर सामन्यात सनरायझर्स हैदराबाद विरुद्ध इतिहास घडवला. वैभवने ख्रिस गेल याचा एका मोसामात सर्वाधिक षटकार ठोकण्याचा महारेकॉर्ड उद्धवस्त केला. या निमिताने एका मोसमात सर्वाधिक षटकार लगावणाऱ्या फलंदाजांबाबत जाणून घेऊयात. (Photo Credit : Bcci)
आयपीएल स्पर्धेच्या एका मोसमात सर्वाधिक षटकार लगावणाऱ्या फलंदाजांच्या यादीत जोस बटलर याचा समावेश आहे. जोसने 2022 साली राजस्थानचं प्रतिनिधित्व करताना 17 सामन्यांमध्ये 45 षटकार लगावले होते. (Photo Credit : IPL Photo)
युनिव्हर्स बॉस अर्थात ख्रिस गेल याने 2013 साली कहर केला होता. आरसीबीच्या या स्फोटक फलंदाजाने तेव्हा 51 षटकार लगावले होते. गेलची एका मोसमात 50 पेक्षा अधिक षटकार लगावण्याची ही सलग दुसरी वेळ ठरली होती. (Photo Credit : PTI)
कोलकाता नाईट रायडर्सचा अनुभवी ऑलराउंडर आंद्रे रसेल याने 2019 साली एका मोसमात 51 षटकार लगावले होते. रसेल त्यासह एका मोसमात 50 पेक्षा अधिक षटकार लगावणारा दुसरा फलंदाज ठरला होता. (Photo Credit : AFP)
ख्रिस गेल याने 2012 साली अतूट असा विक्रम केला होता. गेलने आरसीबीसाठी खेळताना 15 सामन्यांत 14 डावात 59 षटकार झळकावले होते. गेलचा हा विक्रम गेल्या अनेक वर्षांपासून अबाधित होता जो 27 मे 2026 रोजी वैभवने उद्धवस्त केला. (Photo Credit : Bcci)
