World Cup : श्रीलंकन कर्णधार कुसल मेंडिस याची वादळी खेळी, 87 चेंडूत ठोकल्या 158 धावा
SL vs AFG Warm Up Match : श्रीलंकेचा कर्णधार कुसल मेंडिस याने अफगाणिस्तान विरुद्धच्या सामन्यात वादळी खेळी केली. या सामन्यात त्याने अफगाणिस्तानच्या गोलंदाजांना सळो की पळो करून सोडलं.
वनडे वर्ल्डकप स्पर्धेपूर्वी श्रीलंका आणि अफगाणिस्तान यांच्यात सराव सामना सुरु आहे. या सामन्यात नाणेफेकीचा कौल जिंकत अफगाणिस्तानने श्रीलंकेला फलंदाजीचं आव्हान दिलं. पण श्रीलंकन कर्णधार कुसल मेंडिस याने आक्रमक पवित्रा दाखवला
कुसल मेंडिस याने अफगाणिस्तान विरुद्ध आक्रमक खेळीचं प्रदर्शन केलं. 87 चेंडूत 158 धावा केल्या. तसेच रिटायर हर्ट झाला.
कुसल मेंडिस याने 158 धावांच्या खेळीत 9 षटकार आणि 19 चौकार मारेले. म्हणजेच त्यांना 130 धावा फक्त चौकार आणि षटकारांच्या मदतीने केल्या. तर 28 धावा एक, दोन आणि तीन धावा घेत केल्या.
कुसल मेंडिस याने आपलं शतक अवग्या 59 चेंडूत पूर्ण केलं. त्यामुळे वनडे वर्ल्डकप स्पर्धेत त्याची आक्रमक खेळी क्रीडाप्रेमींना पाहायला मिळणार आहे.
बांगलादेश विरुद्धच्या पहिल्या वॉर्मअप सामन्यात श्रीलंकेने बांगलादेशला विजयासाठी 263 धावांचं आव्हान दिलं होतं. हे आव्हीन बांगलादेशनं 7 गडी आणि 48 चेंडू राखून पूर्ण केलं.
श्रीलंकेचा संघ : पाथुम निस्संका, कुसल मेंडिस (कर्णधार), सदीरा समाराविक्रमा, चरिथ असलंका, धनंजय डीसिल्वा, दिमुथ करुणारत्ने, दुनिथ वेल्लालगे, दुशन हेमंथा, लहिरू कुमारा, कसुन राजिथा, दिलशान मधुशंका, मथीशा पथिराना.
