Riya Ahir: पोलीस ठाण्यात सकाळपासून बसले तरीही… कॅमेऱ्यासमोरच रिया ढसाढसा रडली; नेमकं काय घडलं?
Model Riya Ahir Crying: सध्या सोशल मीडियावर विद्यार्थी आंदोलनातील मॉडेल रिया अहिर ही चांगलीच चर्चेत आहे. पण सध्या ती रडताना दिसत आहे. आता रियासोबत नेमकं काय घडलं? जाणून घ्या...
दिल्ली येथे झालेल्या जंतर मंतरमधील आंदोलनाने संपूर्ण देशाचे लक्ष वेधले. कॉकरोच जनता पार्टीच्या अध्यक्षतेखाली हे आंदोलन पुकारण्यात आले होते. हळूहळू या आंदोलनाने देशव्याप्ती रुप घेतलं होतं. मुंबईत दादर येथे झालेल्या आंदोलनाने तर सर्वांचे लक्ष वेधून घेतले. या आंदोलनात एका मॉडेलने सर्वांचे लक्ष वेधले. तिने पोलिसांनी आंदोलक तरुणांनी भरलेली व्हॅन भर रस्त्यात थांबवली. त्यानंतर मॉडेल रियाचे फोटो सोशल मीडियावर प्रचंड व्हायरल झाले. तिला अनेकांनी पाठिंबा दिला. पण आता रिया रडताना दिसत आहे. असं नेमकं काय झालं?
तरुणांच्या हक्कासाठी लढणाऱ्या रियाचा एक व्हिडीओ सध्या सोशल मीडियावर व्हायरल होताना दिसत आहे. या व्हिडीओमध्ये ती माध्यमांशी बोलताना रडत असल्याचे दिसत आहे.
रिया माध्यमांशी बोलताना म्हणाली की, काल जेव्हा मी मुंबई सायबर क्राईममध्ये केस रजिस्टर करत होते तेव्हा मी सकाळी साडे दहा वाजल्यापासून रात्री साडे सहा वाजेपर्यंत तिथेच होते. मला सर्व लोकांनी प्रेरणा दिली आहे, पाठिंबा दिला आहे आणि हे पाहून मला आनंद होतो.
पुढे ती म्हणाली की, पण दुसरीकडे हे सर्व पाहून मला प्रचंड वाईट वाटते की एका महिलेला समाजात काय काय सहन करावं लागतं.
रियाने सोशल मीडियावर त्याच्या विषयी चुकीचे रिल्स बनवणाऱ्या आणि वाईट शब्दात ट्रोल करणाऱ्यांविरोधात सायबर क्राईममध्ये धाव घेतली होती. त्यानंतर रिया सामाजात मिळत असलेल्या वागणुकीविषयी बोलताना रडताना दिसली.
