‘The Odyssey’ box office collection Day 4: फक्त 4 दिवसांत रग्गड कमाई, भल्या भल्या सिनेमांनाही चारली धूळ
'The Odyssey' box office collection Day 4: दिग्दर्शक ख्रिस्तोफर नोलन दिग्दर्शित आणि अभिनेता मॅट डेमन स्टारर 'द ओडिसी' सिनेमा बॉक्स ऑफिसवर उत्तम कमाई करताना दिसत आहे. आता सिनेमाच्या चौथ्या दिवसाच्या कमाईचे आकडे देखील समोर आले आहे. भारतात 'द ओडिसी' सिनेमाने 80 कोटी रुपयांचा गल्ला ओलांडला आहे. पण सोमवारी मात्र सिनेमाच्या कमाईचा वेग मंदावलेला दिसला.
अभिनेता मॅट डेमन स्टारर 'द ओडिसी' सिनेमाला भारतातील प्रेक्षकांनी देखील डोक्यावर घेतलं. पण रविवारपासून सिनेमाच्या कमाईच्या वेगा 60 टक्क्यांनी घट झाल्याची माहिती समोर येत आहे. तर सर्वात महत्त्वाची गोष्ट म्हणजे सिनेमाने 4 दिवसांपामध्ये 80 कोटींचा टप्पा ओलांडला आहे.
'द ओडिसी' सिनेमा अनेक भाषांमध्ये प्रदर्शित करण्यात आला आहे. पण इंग्रजी भाषेतून सिनेमाची अधिक कमाई झाली आहे... तर जाणून घ्या चार दिवस दमदार कमाई केल्यानंतर सिनेमाने सोमवारी बॉक्स ऑफिसवर किती कोटींपर्यंत मजल मारली आहे...
'सॅकनिल्क'च्या रिपोर्टनुसरा, या सिनेमाने पहिल्या शुक्रवारी 17.40 कोटी रुपयांची कमाई करत सुरुवात केली; त्यानंतर शनिवारी 22 कोटी आणि रविवारी 21.90 कोटी रुपयांची कमाई झाली. मात्र, पहिल्याच सोमवारी 'द ओडिसी'च्या कमाईत मोठी घट झाली. पण सिनेमाने चार दिवसांत 80 कोटींचा टप्पा ओलांडला.
'सॅकनिल्क'च्या सुरुवातीच्या अंदाजानुसार, 'द ओडिसी'ने चौथ्या दिवशी 9 हजार 102 शोमधून अंदाजे 8.35 कोटी रुपयांची नेट कमाई केली असून, यामुळे भारतातील एकूण नेट कमाई 69.65 कोटी रुपयांवर पोहोचली आहे. या सिनेमाची भारतातील एकूण 'ग्रॉस' कमाई आता अंदाजे 83.14 कोटी रुपयांपर्यंत पोहोचली आहे.
सांगायचं झालं तर, भारतात अवघ्या चार दिवसांत जवळपास 83 कोटी रुपयांची कमाई करून, 'द ओडिसी'ने या वर्षातील हॉलिवूडच्या सर्वाधिक यशस्वी सिनेमांपैकी एक म्हणून स्वतःचं स्थान निर्माण केलं. सिनेमाने 'धमाल 4' आणि Evil Dead Burn सिनेमाला देखील धूळ चारली आहे.
