Marathi News Photo gallery WhatsApp New Update How to Chat Without Opening the App Using Secret Shortcut Feature
आता अॅप न उघडताच करा चॅटिंग, व्हॉट्सअॅपचे सिक्रेट फिचर कसं करतं काम?
व्हॉट्सअॅपने युजर्ससाठी एक नवीन सिक्रेट फिचर आणले आहे, ज्याच्या मदतीने तुम्ही अॅप न उघडता थेट होम स्क्रीनवरून तुमच्या जवळच्या व्यक्तींशी चॅटिंग करू शकता. जाणून घ्या ही सोपी ट्रिक.
जगभरातील लोकप्रिय मेसेजिंग अॅप म्हणून व्हॉट्सअॅपकडे (WhatsApp) पाहिले जाते. व्हॉट्सअॅप सतत आपल्या चाहत्यांसाठी नवनवीन अपडेट्स आणत असतात. असते. चॅटिंगसोबतच मोफत ऑडिओ आणि व्हिडिओ कॉलिंगमुळे हे अॅप प्रत्येकाच्या जीवनाचा अविभाज्य भाग बनले आहे.
1 / 8
आता व्हॉट्सअॅपने युजर्सची गरज आणि सोय लक्षात घेऊन अलिकडेच एक सिक्रेट फिचर अॅपमध्ये अॅड केले आहे. या फिचरच्या मदतीने तुम्ही तुमचे व्हॉट्सअॅपचे अॅप न उघडताही तुमच्या जवळच्या व्यक्तींशी किंवा मित्रांशी थेट चॅटिंग करू शकता.
2 / 8
हे फिचर सध्या प्रामुख्याने अँड्रॉइड (Android) युजर्ससाठी उपलब्ध आहे. अनेकदा आपल्याला काही ठराविक लोकांशी वारंवार चॅट करावी लागते. अशावेळी मग आपल्याला दरवेळी अॅप उघडून नंबर शोधणं कठीण जाते.
3 / 8
मग यासाठी आता तुम्ही या सिक्रेट फिचरचा वापर करुन तुम्ही चॅटचा शॉर्टकट थेट तुमच्या फोनच्या होम स्क्रीनवर तयार करू शकता. यामुळे एका क्लिकवर चॅट विंडो ओपन होईल आणि तुम्हाला सहज चॅट करता येईल.
4 / 8
सर्वात आधी तुमच्या फोनमधील WhatsApp ओपन करा. ज्या व्यक्तीच्या चॅटचा शॉर्टकट हवा आहे, त्या चॅटवर Long Press करा. यानंतर आता उजव्या कोपऱ्यात असलेल्या तीन डॉट्स (Menu) वर क्लिक करा.
5 / 8
तिथे तुम्हाला 'Add Chat Shortcut' हा पर्याय दिसेल, त्यावर टॅप करा. त्यानंतर 'Add' किंवा 'OK' वर क्लिक करून कन्फर्म करा. आता त्या व्यक्तीचा चॅट आयकॉन तुमच्या मोबाइलच्या होम स्क्रीनवर दिसेल. इथून तुम्ही अॅपमध्ये न जाता त्याच्याशी थेट संवाद साधू शकता.
6 / 8
दरम्यान व्हॉट्सअॅप हे केवळ भारतातच नाही तर जगभरात सर्वाधिक वापरले जाणारे अॅप आहे. एकट्या भारतात ५५ कोटींहून अधिक युजर्स हे व्हॉट्सअॅपचे डेली अॅक्टिव्ह युजर्स आहेत. तर जागतिक स्तरावर हा आकडा २.२१ अब्जांच्या पार आहे.
7 / 8
व्हॉट्सअॅपचे हे नवीन फिचर युजर्सचा वेळ वाचवण्यासाठी अत्यंत उपयोगी ठरणार आहे. विशेषतः ज्या लोकांशी आपण वारंवार संवाद साधतो, त्यांच्यासाठी हा शॉर्टकट अत्यंत सोयीचा असेल, असं बोललं जात आहे.
