194 वर्षे जगणार पुतिन! रशियाच्या नव्या संशोधनाने जगात खळबळ, खर्च ऐकून धक्काच बसेल?
Vladimir Putin: रशियाच्या स्कोल्कोवो विज्ञान आणि तंत्रज्ञान संस्थेने दीर्घायुष्यावर महत्त्वपूर्ण संशोधन केले आहे. रशियन सरकार वृद्धत्वाचा सामना करण्यासाठी एक शस्त्र विकसित करण्याकरिता २ ट्रिलियन रुपयांच्या प्रकल्पावर काम करत आहे.
माणूस कधी अमर होऊ शकतो का? असा प्रश्न अनेकांना सहज विचार करता करता पडतो. या प्रश्न उत्तर शोधण्याचा प्रयत्न देखील अनेक देश करत आहेत. पण अलीकडेच रशियाने या प्रश्नाचे उत्तर शोधून काढले आहे. रशियाच्या स्कोल्कोवो इन्स्टिट्यूट ऑफ सायन्स अँड टेक्नॉलॉजीच्या नवीन रिसर्चनुसार माणूस १९४ वर्षे जिवंत राहू शकतो.
हा रिसर्च म्हणूनच खास आहे, कारण रशियाचे राष्ट्रपती पुतिन यांनी गेल्या वर्षी चीनचे राष्ट्रपती जिनपिंग यांच्याशी झालेल्या संभाषणात स्वतः या गोष्टीचा खुलासा केला होता. मायक्रोफोनवर चुकून ऐकू आलेल्या या संभाषणात पुतिन म्हणाले होते की जर मानवी अवयवांचे प्रत्यारोपण करता आले असते, तर तुम्ही तुमच्या इच्छेनुसार कितीही काळ जगू शकला असता.
पुतिनचे हे विधान त्या वेळी खूप चर्चेत होते. हे प्रश्नही उपस्थित झाले होते की पुतिन यांनी स्वतःला अमर ठेवण्याचा प्लान तयार केला आहे का? त्यानंतर रशियाच्या या प्रकल्पाचाही खुलासा झाला होता. या प्रकल्पामध्ये वृद्धापकाळाशी लढण्यासाठी दीर्घकाळ रिसर्च केला जात आहे. स्वतः रशियाच्या सरकारने या गोष्टीची घोषणा केली होती. त्याला ‘न्यू टेक्नॉलॉजीज फॉर हेल्थ प्रिजर्वेशन नॅशनल प्रोजेक्ट’ असे नाव देण्यात आले होते.
हा रशियाचा आतापर्यंतचा सर्वात महागडा प्रकल्प मानला जात आहे. प्रकल्पांतर्गत शास्त्रज्ञ वाढत्या वयाला रोखण्यासाठी एक जीन थेरपी विकसित करण्याचा प्रयत्न करत आहेत. प्रश्न असा आहे की जर रशियाने वेळेत थेरपी विकसित केली तर पुतिन हे अमरता प्राप्त करणारे पहिले माणूस ठरतील का?
रशियातून दीर्घ आयुष्यासाठी मोठ्या प्रमाणावर चालणाऱ्या संशोधनाबाबत तज्ज्ञ वेगवेगळी मते मांडताना दिसत आहेत. बहुतेक लोकांचे असे मत आहे की पुतिन अँटी एजिंगवर रिसर्च यासाठी करत आहेत की स्वतः अमरता प्राप्त करू शकतील. चीनमध्ये समोर आलेले त्यांचे विधान याचा आधार मानला जातो. मात्र काही लोकांचे असेही मत आहे की अँटी एजिंगवर काम करणे रशियाची गरज बनली आहे, कारण तेथे लोकांचे सरासरी आयुष्य सतत कमी होत आहे.
