Adhir Ranjan Chowdhury : “नाव अधीर पण डोकं बधीर”, राष्ट्रपतींचा राष्ट्रपत्नी उल्लेख केल्याने चौधरींविरोधात भाजप आक्रमक मोडमध्ये
आता राज्यातल्या भाजप नेत्यांनीही आधीर रंजनी चौधरी यांच्यावरती जोरदार निशाणा साधायला सुरुवात केली आहे. नाव अधीर आहे, मात्र यांचं डोकं बधिर आहे. अशा शब्दात रिपाई नेते रामदास आठवले यांनी त्यांच्यावर टीका केली आहे.
नवी दिल्ली : संसदेच्या पावसाळी अधिवेशनात (Monsoon Session) दिल्लीतला माहोल आधीच गरमागरमीचा असताना आज काँग्रेसचे गटनेते अधीर रंजन चौधरी (Adhir Rajan Chowdhury) यांच्या एका विधानाने पुन्हा त्या आगीत आणखी तेल ओतलं गेलं आहे. अधीर रंजन चौधरी बोलायला उभा राहिल्यानंतर त्यांनी नवनिर्वाचित राष्ट्रपती द्रौपदी मुर्मू (President Draupadi Murmu) यांचा राष्ट्रपती उल्लेख करण्याऐवजी राष्ट्रपत्नी असा उल्लेख केला. त्यानंतर हे विधान मी चुकून बोललो, आता फाशी देता का? मला असा सवाल चौधरी यांनी केला. मात्र या प्रकारानंतर भाजप सध्या चांगलीच आक्रमक मोडवरती आली आहे. सोनिया गांधी देशाची माफी मागावी, अशी मागणी तात्काळ भाजप नेत्या स्मृती इराणी यांच्याकडून ठेवण्यात आली. तर आता राज्यातल्या भाजप नेत्यांनीही आधीर रंजनी चौधरी यांच्यावरती जोरदार निशाणा साधायला सुरुवात केली आहे. नाव अधीर आहे, मात्र यांचं डोकं बधिर आहे. अशा शब्दात रिपाई नेते रामदास आठवले यांनी त्यांच्यावर टीका केली आहे. तर भाजपनेच्या चित्रा वाघ यांनी अधीर की बधिर? असा थेट सवाल केला आहे.
रामदास आठवले काय म्हणाले?
याबाबत बोलताना रामदास आठवले म्हणाले अधीर रंजन चौधरी यांनी राष्ट्रपतीपदाचा अपमान केला आहे. यांचं नाव अधीर आहे पण यांचं डोकं बधिर झालं आहे. तसेच सोनिया गांधी यांना त्यांच्या पदावरून हटवावं, बोलायचं स्वातंत्र आहे, म्हणजे असं बोलणं योग्य नाही. आम्ही यांचा निषेध करतो, या शब्दात आठवले यांनी चौधरी यांच्यावर सडकून टीका केली आहे, तर दुसरीकडे भाजप नेत्या चित्रा वाघ यांची यावरती खरमरीत प्रतिक्रिया आली आहे.
चित्रा वाघ यांची प्रतिक्रिया
– Chitra Kishor Wagh (@ChitraKishorWaghCRKB) 28 July 2022
बंगाली भाषेमुळे चुकून झालं
तर चौधरी हे बंगालचे असल्यामुळे त्यांच्या तोंडून चुकून हा शब्द गेला. बंगाली भाषेमुळे असं झालं, भाजप विनाकारण हा मुद्दा रेटत आहे. काँग्रेसनेच या देशाला पहिल्या महिला राष्ट्रपती दिल्या. मग आम्ही अपमान कसा करू? उलट स्मृती इराणी यांनी सोनिया गांधी यांचा अपमान केला. अशी प्रतिक्रिया यावरती राज्यसभा खासदार इम्रान प्रतापगडी यांनी दिली आहे.
