शहाण्या आमदार आहेस, तु मास्क वापरला तरच मला लोकांना सांगता येईल; अजित पवारांच्या रोहित यांना कानपिचक्या
कर्जत जामखेडला गेलो असता मला तिकडे कोणीच मास्क वापरत नसल्याचे दिसून आले. आमच्या रोहितने पण मास्क घातले नव्हते, शेवटी मीच न राहून रोहितला म्हटले शहाण्या तु या मतदारसंघाचा आमदार आहेस, तुच जर मास्क नाही घातलेस तर मी लोकांना मास्क वापरण्यास कसे सांगू? असे अजित पवार यांनी म्हटले आहे.
पुणे : कर्जत जामखेडला गेलो असता मला तिकडे कोणीच मास्क वापरत नसल्याचे दिसून आले. आमच्या रोहितने पण मास्क घातले नव्हते, शेवटी मीच न राहून रोहितला म्हटले शहाण्या तु या मतदारसंघाचा आमदार आहेस, तुच जर मास्क नाही घातलेस तर मी लोकांना मास्क वापरण्यास कसे सांगू? मी भाषण करताना कधीच मास्क काढत नाही, आणि तिथे मला एकानेही मास्क घातलेले दिसले नाही, असे म्हणत अजित पवार यांनी मास्कवरून रोहित पवार आणि उपस्थित लोकांना कानपिचक्या लगावल्या आहेत. ते बारामती तालुक्यातील धुमाळवाडीमध्ये एका कार्यक्रमात बोलत होते.
‘सर्वांनी कोरोनाचे नियम पाळा’
पुढे बोलताना ते म्हणाले की, गेल्या दोन वर्षांपासून राज्यात कोरोनाचे संकट होते. कोरोनामुळे लावण्यात आलेल्या लॉकडाऊनमुळे परिस्थिती गंभीर बनली होती. मात्र आता रुग्ण कमी होत असल्याने शासनाकडून काही प्रमाणात सूट देण्यात आली आहे. परंतु या सूटीचा कोणीही गैरफायदा घेऊ नये. देशातून अद्याप कोरोना हद्दपार झालेला नाही. त्यामुळे आपली एक चूक देखील महागात पडू शकते. त्यामुळे सर्वांनी कोरोनाचे नियम पाळा आणि तिसरी लाट टाळा असे पवार यांनी म्हटले आहे.
लसीकरणाचे आवाहन
कोरोनावर आजच्या स्थितीत सर्वोत्तम पर्याय काय असेल तर तो म्हणजे लसीकरण आहे. देशात जसजसे लसीकरण वाढत आहे, त्याप्रमाणात कोरोनाचे रुग्ण कमी होत आहेत. त्यामुळे जिल्ह्यातील सर्व नागरिकांना मी विनंती करतो की त्यांनी लसीचे दोनही डोस पूर्ण करावेत. ज्या नागरिकांनी कोरोनाची लस घेतली नाही, त्यांना कुठलीही सुविधा न देण्याचा निर्णय औरंगाबादच्या जिल्हाधिकाऱ्यांनी घेतला आहे. त्याच धर्तीवर आपल्याकडेही टोकाचे निर्णय घेण्यास भाग पाडू नका. सर्वांनी तातडीने लसीकरण करून घ्या, तसेच कोरोनाचे नियम काटेकोरपणे पाळा असे आवाहन अजित पवार यांनी यावेळी केले.
ST Strike कोर्टाच्या कमिटीतले सदस्य विलीनीकरणविरोधी, आंदोलन दडपण्याचा प्रयत्न; आमदार पडळकर-खोतांचा दावाhttps://t.co/dJpzBT8i8e#STEmployeesStrike|#STEmployeesMaharashtra|#TransportMinister|#MLAGopichandPadalkar|#MLASadabhauKhot|#BJP|#MahavikasAghadiGovernment
— TV9 Marathi (@TV9Marathi) November 14, 2021
संबंधित बातम्या
