संसाराचा गाडा आणि ग्रामपंचायतीचा कारभारही सोबतीने, सरपंचपदी पती, उपसरपंच पत्नी

औरंगाबाद : संसाराचा गाडा एकमेकांच्या साथीने चालवणारे दाम्पत्य आता ग्रामपंचायतीचा कारभारही एकत्र चालवणार आहेत. आधी पठाण दाम्पत्य ग्रामपंचायतीत एकत्र विजयी झाले, त्यानंतर सरपंचपदी पतीची तर उपसरपंचपदी पत्नीची निवड करण्यात आली. औरंगाबादमध्ये ही आगळी वेगळी घटना घडली आहे. (Aurangabad Aabdimandi Gram Panchayat Husband Wife Sarpanch)

घरातला कारभारी आणि कारभरीणच गावातही कारभारी कारभारीण ठरले आहेत. औरंगाबाद जिल्ह्यातील आब्दीमंडी ग्रामपंचायतवर सरपंचपदी पतीची तर उपसरपंचपदी पत्नीची निवड झाली आहे. आब्दीमंडीच्या सरपंचपदी साबेर खान पठाण यांची तर उपसरपंचपदी शगुफ्ता साबेर पठाण यांची निवड करण्यात आली आहे.

पती पत्नीची बिनविरोध निवड

विशेष म्हणजे या दोघांच्या विरोधात कुणाचाही अर्ज दाखल झाला नसल्यामुळे या पती पत्नीची बिनविरोध निवड करण्यात आली. आता यापुढे आब्दीमंडी गावाचा कारभार पती पत्नी खांद्याला खांदा लावून करणार आहेत.

पतीला असणारी राजकारण आणि समाजकारणाची आवड, घरीदारी संसारातही केवळ राजकारणाच्या गप्पा सतत ऐकायला मिळणारी ‘ती’, आज आपल्या पतीराजांच्या खांद्याला खांदा लावून राजकारणातील अर्धांगिनी बनली

पुण्यात सहचारिणीचा सह’विजय’

जुन्नर तालुक्यातील धनगरवाडी ग्रामपंचायतीची निवडणूक पार पडली आहे. या निवडणुकीत प्रभाग क्र. 3 मधून एका जागेसाठी बिनविरोध निवड करण्यात आली. तर दोन जागांसाठी लढत झाली. विशेष म्हणजे या प्रभागातून महेश जयवंत शेळके आणि प्रियांका महेश शेळके हे पतीपत्नी विजयी झाले आहेत. एकाच प्रभागातून पती-पत्नी निवडणूक लढवून विजयी होणारं हे पुणे जिल्ह्यातील हे एकमेव उदाहरण आहे. (Aurangabad Aabdimandi Gram Panchayat Husband Wife Sarpanch)

पतीला खांद्यावर उचलून जल्लोष

निवडणुकीत उमेदवार जिंकला की कार्यकर्ते त्याला खांद्यावर उचलताना आपण अनेकदा पाहिलं असेल. पण पुण्यातील पाळू ग्रामपंचायतीत पती निवडून आल्याचा जल्लोष साजरा करण्यासाठी रेणुका गुरव यांनी चक्क पतीलाच खांद्यावर घेत मिरवणूक काढली होती.

पाळू ग्रामपंचायतीमध्ये संतोष शंकर गुरव यांनी 221 मतं मिळवत विरोधी उमेदवारावर दणदणीत विजय मिळवला. पतीने इतकं मोठं यश मिळवल्याने पत्नी रेणुका गुरव यांचा आनंद गगनात मावेनासा झाला. त्यांनी थेट पतीला खांद्यावर घेत जल्लोष साजरा केला.

संबंधित बातम्या :

Gram Panchayat Election 2021 Result | माझा कारभारी लय भारी!

सहचारिणीचा सह’विजय’, पुण्यात शेळके दाम्पत्याची ग्रामपंचायतीत बाजी

सरपंच पती, प्रशासक पत्नी, ग्रामपंचायत बरखास्तीवर मुश्रीफ यांचा तोडगा

(Aurangabad Aabdimandi Gram Panchayat Husband Wife Sarpanch)