विखेंनी वापरलेला ‘लाचार’ शब्द हा त्यांच्यासाठीच योग्य, विखेंच्या टीकेला थोरांतांचं प्रत्युत्तर
भाजपचे आमदार राधाकृष्ण विखे पाटील आणि महसूलमंत्री बाळासाहेब थोरातांमधील वाकयुद्ध काही केल्या थांबताना दिसत (Radhakrishna Vikhe Patil Vs Balasaheb Thorat) नाही.
अहमदनगर : भाजपचे आमदार राधाकृष्ण विखे पाटील आणि महसूलमंत्री बाळासाहेब थोरातांमधील वाकयुद्ध काही केल्या थांबताना दिसत नाही. महाविकास आघाडी सरकारमध्ये सुरु असलेल्या वादाच्या पार्श्वभूमीवर विखे आणि थोरात यांनी एकमेकांवर वार-पलटवार केला आहे. (Radhakrishna Vikhe Patil Vs Balasaheb Thorat)
“राज्यातील सरकारमध्ये सहभागी असलेल्या काँग्रेसच्या मंत्र्यांना आणि नेत्यांना कोणीही विचारत नाही. ते लाचारासारखे कसे सत्तेत सहभागी आहेत. याबद्दल आपल्याला आश्चर्य वाटत आहे. प्रदेशाध्यक्षांना कुणी विचारत नाही,” अशी टीका राधाकृष्ण विखे यांनी अप्रत्यक्षरित्या बाळासाहेब थोरातांचे नाव न घेता केली.
यावर महसूलमंत्री बाळासाहेब थोरातांनी विखेंच्या टीकेला जोरदार प्रत्युत्तर दिलं आहे. काँग्रेसमध्ये विरोधी पक्षनेते राहिलेले राधाकृष्ण विखे पाटील हे गेल्या पाच वर्षात कसे वागले हे महाराष्ट्राला माहित आहे. त्यामुळे त्यांनी वापरलेला लाचार शब्द हा त्यांच्यासाठीच योग्य आहे, असे बाळासाहेब थोरात म्हणाले.
अनेक विरोधक देव पाण्यात ठेवून बसले आहेत. मात्र महाविकासआघाडी सरकार भक्कम असून ते टिकेल, असा पलटवार बाळासाहेब थोरात यांनी विखे पाटील यांच्यावर केला आहे. (Radhakrishna Vikhe Patil Vs Balasaheb Thorat)
संबंधित बातम्या :
आमची काही नाराजी नाही, मुख्यमंत्र्यांसोबत सकारात्मक चर्चा : काँग्रेस
