राजकारण करायचं नाही, सगळं सुरू करतो, जबाबदारी घेता का?; मुख्यमंत्र्यांनी विरोधकांना सुनावले

कोरोनाच्या विषयावर मला कोणतंही राजकारण करायचं नाही. पण काही लोकांचं हे उघडा ते उघडा असं सुरू आहे. मी सर्व काही सुरू करायला तयार आहे. काही झालं तर त्याची जबाबदारी घेता का?, अशा शब्दांत मुख्यमंत्री उद्धव ठाकरे यांनी विरोधकांना सुनावले. (uddhav thackeray addressing maharashtra people)

भीमराव गवळी | Updated on: Nov 22, 2020 | 9:08 PM

मुंबई: अनलॉकच्या मुद्दयावरून मुख्यमंत्री उद्धव ठाकरे यांनी आज विरोधकांवर जोरदार टीकास्त्र सोडलं. कोरोनाच्या विषयावर मला कोणतंही राजकारण करायचं नाही. पण काही लोकांचं हे उघडा ते उघडा असं सुरू आहे. मी सर्व काही सुरू करायला तयार आहे. काही झालं तर त्याची जबाबदारी घेता का?, अशा शब्दांत मुख्यमंत्री उद्धव ठाकरे यांनी विरोधकांना सुनावले. (uddhav thackeray addressing maharashtra people)

मुख्यमंत्री उद्धव ठाकरे यांनी आज राज्यातील जनतेशी संवाद साधला. दिवाळीनंतर पहिल्यांदाच मुख्यमंत्री उद्धव ठाकरे संवाद साधणार असल्याने ते काय बोलणार? याकडे संपूर्ण राज्याचं लक्ष लागलं होतं. मुख्यमंत्र्यांनी आजच्या संवादातून राज्यातील जनतेवर कोणतेही निर्बंध लादले नाहीत. तसेच मिशन बिगीन अगेनच्या अनुषंगाने कोणतीही नवी घोषणा केली नाही. मात्र, अनलॉकची मागणी करणाऱ्या विरोधकांना त्यांनी खडेबोल सुनावले.

बाकीच्यांचं ठिक आहे. मला यात राजकारण आणायचं नाही. हे उघडा ते उघडा म्हणता… उघडतो. सगळं उघडतो. जबाबदारी घेता का? असा सवाल करतानाच राज्य सरकारच्या माध्यमातून जेवढी जबाबादारी माझ्यावर आहे. तेवढी जबाबदारी हे उघडा ते उघडा म्हणणाऱ्यांवर नाही, असं त्यांनी ठणकावून सांगितलं. योग्यवेळी एकाएका गोष्टीतून तुमची सुटका करणार असल्याचं मी सांगितलं होतं. त्यानुसार धार्मिकस्थळं उघडी करण्यात आली आहेत. मात्र, अनेक ठिकाणी गर्दी होताना दिसत आहे. ते योग्य नाही. तुम्ही गर्दी करू नका. कोरोनाचं संकट संपलेलं नाही. याचं भान ठेवा, असं आवाहनही त्यांनी केलं. (uddhav thackeray addressing maharashtra people)

कोरोनाचं संकट टळलेलं नाही, सावध राहा. येणारी लाट आधीच्या लाटेपेक्षा अधिक उग्र असू शकते. 24-25 कोटी जनतेला आपल्याला लसीकरण करावं लागणार आहे. एकदा डोस दिला, तर पुन्हा बुस्टर डोस द्यावे लागणार आहेत. डोस दिल्यावर रुग्णाला कोणत्या तापमानात ठेवायचं हे सर्व अधांतरी आहे. त्यामुळे हात धुवा, सोशल डिस्टन्सिंग ठेवा आणि मास्क लावा ही त्रिसूत्रीच पाळावी लागणार आहे, असंही त्यांनी सांगितलं.

CM Uddhav Thackeray | कोरोनाची लाट नाही तर त्सुनामी येण्याची शक्यता : मुख्यमंत्रीhttps://t.co/XljtnGyrPo #UddhavThackeray #Corona

— TV9 Marathi (@TV9Marathi) November 22, 2020