सेना भवनात जोरदार राडा, पोलिस आणि ठाकरे गटात जोरदार चकमक, वातावरण तापले

शिवसेना भवनात आंदोलकांवर पोलिसांनी कारवाई केल्यानंतर ठाकरे शिवसेनेचे कार्यकर्ते आणि पोलिसांत जोरदार धुमश्चक्री झाली आहे. शिवाजी पार्कात मनसेचे युवा नेते अमित ठाकरे यांना देखील अडवण्यात आले. त्यानंतर येथे दादर परिसरात पोलिसांनी आंदोलकांवर कारवाई केली आहे. दादर शिवसेना भवनात पोलिस घुसल्याचे समजताच शिवसेनेचे युवानेते आदित्य ठाकरे मैदानात उतरले आहेत. आदित्य ठाकरे यांनी मोर्चा सांभाळत पोलिसांच्या आणि सरकारच्या विरोधात जोरदार घोषणाबाजी केली आहे.

निवडणूक आयुक्त ज्ञानेश कुमार यांच्या राजीनाम्यासाठी दिल्ली धुमसत असताना आता मुंबतही आज शिवाजी पार्कात मोठी धुमश्चक्री उसळली आहे. शिवाजी पार्कात मनसेचे युवा नेते अमित ठाकरे यांना देखील अडवण्यात आल्याने ठाकरे शिवसेनेचे नेते आदित्य ठाकरे आणि तेजस ठाकरे तसेच अनिल परब आदी पहिल्या फळीतील नेते मैदानात उतरले आहेत.

मनसेचे युवा नेते अमित ठाकरे ताब्यात घेतल्याने संताप

सर्व मुंबईकरांना आणि शिवसैनिकांना शिवाजी पार्कात येण्याचे आवाहन, अमित ठाकरे यांना सोडवण्यासाठी आम्ही शिवाजी पार्कात जात आहोत. आता हे आंदोलन मोठे होणार आहे. आम्ही आता थांबणार नाही असे युवासेना नेते आदित्य ठाकरे यांनी सरकारला आव्हान दिले आहे.त्यांच्या सोबत युवा नेते तेजस ठाकरे देखली सोबत आहेत.

ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.