नवी मुंबईत भाजपला धक्का, राजीनामा दिलेले 4 नगरसेवक ‘मातोश्री’वर

नवी मुंबई : नवी मुंबई महापालिकेच्या तुर्भे येथील भाजपचे चार नगरसेवक आज (23 फेब्रुवारी) शिवसेनेत प्रवेश करणार (Navi Mumbai BJP corporaters join shivsena) आहे. मुख्यमंत्री उद्धव ठाकरे यांच्या उपस्थितीत या चारही नगरसेवकांचा पक्षप्रवेश होणार आहे. माजी स्थायी समिती सभापती सुरेश कुलकर्णी, त्यांची पत्नी नगरसेविका राधा कुलकर्णी, संगीता वास्के आणि मुद्रिका गवळी यांसह असंख्य कार्यकर्ते मातोश्रीवर दाखल झाले आहेत.

काही दिवसांपूर्वी नवी मुंबई महापालिकेच्या तुर्भे येथील भाजपच्या या चार नगरसेवकांनी राजीनामा दिला होता. या चारही नगरसेकांनी आपले राजीनामे महापालिका आयुक्त अण्णा मिसाळ यांच्याकडे सुपूर्द केले होते. त्यामुळे नवी मुंबई महापालिकेची निवडणूक पुढच्या दोन महिन्यांवर येऊन ठेपली असताना भाजपला गळती लागल्याचे चित्र दिसत आहे.

त्याशिवाय राजीनामा देण्यापूर्वी या नगरसेवकांनी ‘वर्षा’वर जाऊन मुख्यमंत्र्यांची भेट घेतली होती. विशेष म्हणजे सुरेश कुलकर्णी यांनी आयोजित केलेल्या भव्य हळदीकुंकू समारंभासाठी ठाण्याचे पालकमंत्री एकनाथ शिंदे यांनीही उपस्थिती लावली होती. यावेळी एकनाथ शिंदे यांनी सुरेश कुलकर्णी यांचे कौतुक केले होते. तुर्भेतील झोडपट्टीला एस.आर.ए. लागू करण्याबाबत पावले उचलली जातील, असेही आश्वासन शिंदे यांनी दिले (Navi Mumbai BJP corporaters join shivsena) होते.

यावरुन भाजप नेते गणेश नाईक यांचे अस्तित्व खिळखिळे करण्यासाठी महाविकास आघाडीकडून प्रयत्न सुरु आहेत.

गणेश नाईक यांनी विधानसभा निवडणुकीअगोदर भाजपात प्रवेश केला होता. त्यांच्यासोबत सर्व राष्ट्रवादीच्या नगरसेवकांनी भाजपात प्रवेश केला होता. मात्र, त्यातील काही नगरसेवक पुन्हा घरवापसीच्या तयारीत आहेत. त्यामुळे चार नगरसेवक राजीनामा दिल्यानंतर नाईक गटाला ऐन निवडणूकीच्या तोंडावर पुन्हा एक धक्का बसण्याची शक्यता आहे.

भाजपचे नगरसेवक संदिप सुतार, सलोजा सुतार, शुभांगी पाटील, शशिकला पाटील, चंद्रकांत पाटील आणि राजू शिंदे या सहा नगरसेवकांनीही उपमुख्यमंत्री अजित पवार यांची भेट घेतली होती. त्यामुळे गणेश नाईक यांच्यासोबत भाजपवासी झालेल्या नगरसेवकांच्या घरवापसीचा फटका नाईक गटाला बसणार (Navi Mumbai BJP corporaters join shivsena) आहे.

संबंधित बातम्या : 

नवी मुंबईत भाजपला धक्का, राजीनामा दिलेले 4 नगरसेवक शिवसेनेत जाणार