आघाडीचे नेते बांधावर जाऊन फोटो काढणार अन् शेतकऱ्यांना मदत केंद्राने करायची?; निलेश राणेंचा खोचक सवाल

महाविकास आघाडीचे ज्येष्ठ नेते आज (19 ऑक्टोबर) पाऊस नुकसान पाहणी दौरा करत आहेत. मात्र, या दौऱ्यावर निलेश राणे यांनी टीका केली आहे (Nilesh Rane slam Maha Vikas Aghadi Government).

आघाडीचे नेते बांधावर जाऊन फोटो काढणार अन् शेतकऱ्यांना मदत केंद्राने करायची?; निलेश राणेंचा खोचक सवाल
निलेश राणे

मुंबई : महाविकास आघाडीचे ज्येष्ठ नेते आज (19 ऑक्टोबर) पाऊस नुकसान पाहणी दौरा करत आहेत. मात्र, या दौऱ्यावर माजी खासदार निलेश राणे यांनी टीका केली आहे. “महाविकास आघाडीचे नेते शेतीच्या बांधावर जाऊन फोटो काढणार आणि शेतकऱ्यांना केंद्र सरकार मदत करणार?”, असा खोचक सवाल निलेश राणे यांनी केला आहे (Nilesh Rane slam Maha Vikas Aghadi Government).

राष्ट्रवादी काँग्रेसचे अध्यक्ष शरद पवार यांनी उस्मानाबाद दौऱ्यादरम्यान आज सकाळी पत्रकार परिषद घेतली. यावेळी त्यांनी शेतकऱ्यांना भरीव मदत मिळावी यासाठी महाविकास आघाडीच्या सर्व खासदारांना घेऊन पंतप्रधान नरेंद्र मोदी यांची भेट घेणार, असं सांगितलं. मात्र, यावर निलेश राणे यांनी टीका केली.

“महाराष्ट्रातील शेतकऱ्यांना भरीव मदतीसाठी महाविकास आघाडीच्या सर्व खासदारांना घेवून पंतप्रधान मोदी यांची भेट घेणार असल्याचं शरद पवार यांनी म्हटलं आहे. आता असं झालंय, महाविकास आघाडीचे नेते बांधावर जाऊन फोटो काढणार आणि शेतकऱ्यांना केंद्र सरकार मदत करणार”, असा चिमटा निलेश राणे यांनी ट्विटरवर काढला (Nilesh Rane slam Maha Vikas Aghadi Government)..

दरम्यान, राज्यातील दिग्गज नेते पाऊस नुकसान पाहणी दौऱ्यावर आहेत. मुख्यमंत्री उद्धव ठाकरे सोलापूर जिल्ह्याच्या दौऱ्यावर आहेत. तर राष्ट्रवादीचे अध्यक्ष शरद पवार मराठवाडा दौऱ्यावर आहेत. त्यांचा मराठवाडा दौऱ्याचा आज दुसरा दिवस आहे. शेतीच्या बांधावर जाऊन शरद पवार शेतकऱ्यांना धीर देत आहेत.

कृषीमंत्री दादा भुसे सोलापूर जिल्ह्यात पाहणी करत आहेत. त्याचबरोबर मदत आणि पूनर्वसन मंत्री विजय वडेट्टीवारदेखील सोलापूर जिल्ह्यात पाहणी करत आहेत.

दुसरीकडे विरोधी पक्षनेतेदेखील नुकसानग्रस्त भागाची पाहणी करत आहेत. विधानसभेचे विरोधी पक्षनेते देवेंद्र फडणवीस आणि विधान परिषदेचे विरोधी पक्षनेते प्रवीण दरेकर आज बारामती आणि मराठवाडा दौऱ्यावर आहेत.

संबंधित व्हिडीओ :

संबंधित बातम्या :

गप्प बसवत नाही म्हणून मी सर्वात आधी येतो! संकटकाळातील दौऱ्यांबाबत विचारलेल्या प्रश्नावर पवारांचं मिश्किल उत्तर

खडसेंची भाजपने दखल घेतली नाही; राजकीय निर्णय काय घ्यावा तो त्यांचा प्रश्न: पवार

Published On - 10:52 am, Mon, 19 October 20

Click on your DTH Provider to Add TV9 MARATHI