नक्षलींचा पुन्हा हैदोस, बोलेरोतून उतरवून महिला पोलिंग अधिकाऱ्यावर गोळीबार

नक्षलींचा पुन्हा हैदोस, बोलेरोतून उतरवून महिला पोलिंग अधिकाऱ्यावर गोळीबार

भुवनेश्वर (ओदिशा) : निवडणुकीच्या धामधुमीत नक्षलवाद्यांनी पुन्हा धुमाकूळ घातला. ओदिशात पोलिंग पथकावर नक्षलवाद्यांनी हल्ला केला. बोलेरो गाडी थांबवून पोलिंग पथकाला खाली उतरवले, त्यानंतर महिला अधिकाऱ्यावर नक्षलवाद्यांनी गोळया झाडल्या. इतकंच नाही तर नक्षलवाद्यांनी बोलेरो गाडीही पेटवून दिली. संजुक्ता दिगल (Sanjukta Digal) असं या महिला अधिकाऱ्याचं नाव आहे. ओदिशातील बार्ला गावाजवळ ही धक्कादायक घटना घडली.

याच जिल्ह्यात एक भुसुरुंग स्फोटही घडवण्यात आला. सुदैवाने पोलिंग पथक निघून गेल्यावर हा स्फोट झाल्याने जीवितहानी टळली. कंधमाल जिल्ह्यातील गोछापाडा मार्गावर ही घटना घडली. ओदिशात दुसऱ्या टप्प्यातील मतदान सुरु असताना, नक्षलवाद्यांनी हा हैदोस घातला.

ओदिशातील 5 जागांसाठी आज मतदान होत आहे.  ओदिशात लोकसभेच्या एकूण 21 जागा आहेत.

त्याआधी गडचिरोली, छत्तीसगडमध्येही नक्षलवाद्यांनी हल्ला केला होता. पहिल्या टप्प्यातील मतदानापूर्वी 9 एप्रिलला छत्तीसगडमधील दंतेवाडामध्ये भीषण स्फोट केला होता. त्यावेळी नक्षलवाद्यांनी केलेल्या हल्ल्यात भाजप आमदारासह पाच जवान शहीद झाले होते.भाजप आमदार भीमा मंडावी यांचा ताफा ज्या रस्त्याने जात होता, त्या रस्त्यावर भूसुरुंग लावून स्फोट घडवण्यात आला, ज्यामध्ये आमदार आणि पाच जवानांचाही मृत्यू झाला होता.

देशभरात 95 जागांवर मतदान

दरम्यान, लोकसभेच्या दुसऱ्या टप्प्यात आज महाराष्ट्रातील 10 जागांसह देशभरातील 97 जागांवर मतदान होत आहे. तामिळनाडू, कर्नाटक, उत्तर प्रदेश, बिहार, ओदिशा, आसाम, छत्तीसगड, प. बंगाल, जम्मू काश्मीर, मणिपूर आणि पाँडेचेरीत मतदान होत आहे.

संबंधित बातम्या

नक्षलवाद्यांचा भाजपच्या ताफ्यावर हल्ला, आमदारासह पाच जवान शहीद  

छत्तीसगडमध्ये नक्षलवाद्यांचा धुमाकूळ, 4 जवान शहीद 

Click on your DTH Provider to Add TV9 MARATHI