अहमदनगर जिल्हा बँक महाविकास आघाडीच्या ताब्यात, अध्यक्षपदाची पहिली संधी राष्ट्रवादीला!

अहमदनगर जिल्हा सहकारी बँकेच्या नुतन अध्यक्षपदी उदय शेळके यांची तर उपाध्यक्ष पदी माधवराव कानवडे यांची बिनविरोध निवड झाली. | Uday Shelke and Madhavrao Kanwade

  • कुणाल जायकर, टीव्ही 9 मराठी, अहमदनगर
  • Published On - 15:12 PM, 6 Mar 2021
अहमदनगर जिल्हा बँक महाविकास आघाडीच्या ताब्यात, अध्यक्षपदाची पहिली संधी राष्ट्रवादीला!
अहमदनगर जिल्हा बँक अध्यक्ष आणि उपाध्यक्षपदाची निवडणूक

अहमदनगर : अहमदनगर जिल्हा सहकारी बँकेच्या (Ahmednagar District Co-operative Bank) नुतन अध्यक्षपदी उदय शेळके (Uday Shelke) यांची तर उपाध्यक्ष पदी माधवराव कानवडे (Madhavrao Kanwade) यांची बिनविरोध निवड झाली. निवडीसाठी संचालक मंडळाची एक विशेष बैठक पार पडली. या बैठकीत उदय शेळके यांची अध्यक्षपदी तर उपाध्यक्ष पदी माधवराव कानवडे यांची बिनविरोध निवड करण्यात आली. (Uday Shelke elected as the new chairman of Ahmednagar District Co-operative Bank and Madhavrao Kanwade as the vice chairman)

गडाख थोरातांसह संचालकांची मिटिंग नंतर ‘ठरलं’…!

अध्यक्ष आणि उपाध्यक्षाची निवड होण्याआधी महसूलमंत्री बाळासाहेब थोरात, जलसंधारण मंत्री शंकरराव गडाख यांच्या उपस्थितीत संचालकांची बैठक झाली. त्यानंतर 12.30 वाजता सर्व संचालक बँकेच्या सभागृहात आले. या ठिकाणी निवडणुक निर्णय अधिकारी दिग्विजय आहेर यांच्या अध्यक्षतेखाली झालेल्या बैठकीत अध्यक्षपदी उदय शेळके आणि माधवराव कानवडे यांच्या नावाची घोषणा करण्यात आली.

अध्यक्षपदाची पहिली संधी राष्ट्रवादीला

बँकेच्या अध्यक्ष आणि उपाध्यक्षपदाच्या निवडीनंतर शेळके आणि कानवडे यांचा सत्कार करण्यात आला. बँकेची उत्कृष्ट कारभाराची परंपरा पुढे चालविण्याचा विश्वास अध्यक्ष आणि उपाध्यक्षांनी व्यक्त केला. जिल्हा बँकेवर महाविकास आघाडीने वर्चस्व राखलं असून अध्यक्षपदाची पहिली संधी राष्ट्रवादीला देण्यात आली आहे.

जिल्हा बँकेवर महाविकास आघाडीचं वर्चस्व

संचालक मंडळाच्या बैठकीला संचालक मंत्री शंकरराव गडाख, आमदार मोनिका राजळे, आमदार आशुतोष काळे, माजी मंत्री शिवाजी कर्डिले, माधवराव कानवडे, राहुल जगताप, अमोल राळेभात, प्रशांत गायकवाड, आशा तापकीर, अशोक भांगरे, अनुराधा नागवडे, गणपत सांगळे, विवेक कोल्हे, सीताराम गायकर, अंबादास पिसाळ, अण्णासाहेब म्हस्के, अरुण तनपुरे, चंद्रशेखर घुले हे संचालक उपस्थित होते.

अध्यक्ष पवारांचे निकटवर्तीय तर उपाध्यक्ष थोरातांचे कट्टर समर्थक

जिल्हा बँकेच्या अध्यक्षपदी निवड झालेल उदय शेळके हे राष्ट्रवादीचे अध्यक्ष शरद पवार यांचे निकटवर्तीय मानले जातात उपाध्यक्षपदी निवड झालेले माधवराव कानवडे हे महसूलमंत्री बाळासाहेब थोरातांचे कट्टर समर्थक मानले जातात.

(Uday Shelke elected as the new chairman of Ahmednagar District Co-operative Bank and Madhavrao Kanwade as the vice chairman)

हे ही वाचा :

माझ्या शक्तीचा कण नि कण महाराष्ट्राच्या भल्यासाठी खर्च होऊ दे, मुख्यमंत्र्यांनी भराडीदेवीकडे आशीर्वाद मागितला