कोरोनामुक्तीनंतर पुण्याच्या महापौरांचा पुन्हा धडाका, बेड्सचा प्रश्न निकाली काढण्याच्या सूचना
कोरोनामुक्तीनंतर पुण्याचे महापौर मुरलीधर मोहोळ यांनी पुन्हा नव्या जोमानं कामाला सुरुवात (Pune Mayor Murlidhar Mohol) केली.
पुणे : कोरोनामुक्तीनंतर पुण्याचे महापौर मुरलीधर मोहोळ यांनी पुन्हा नव्या जोमानं कामाला सुरुवात (Pune Mayor Murlidhar Mohol) केली. शहरातील बेड्सच्या प्रश्नावर महापौरांनी तातडीची बैठक घेतली. उपलब्ध बेड्स आणि नजीकच्या काळातील आवश्यक असणाऱ्या बेड्सच्या संख्येचा आढावा (Pune Mayor Murlidhar Mohol) घेतला.
यावेळी ऑक्सिजन, आयसीयू आणि व्हेंटिलेटर बेड्स तातडीने उपलब्ध करण्याच्या सूचनाही त्यांनी अधिकाऱ्यांना दिल्या. लवकरच बेड्स प्रश्न सुटणार असल्याचं त्यांनी सांगितलं.
ससूनमध्ये साधारण नवीन 630 बेड्स उपलब्ध केले जाणार आहेत. त्यात आयसीयू बेड आणि व्हेंटिलेटर बेड तयार केले जाणार आहेत. तसेच महापालिकेच्या दळवी हॉस्पिटल, बोपोडी हॉस्पिटल आणि खासगी हॉस्पिटलमध्ये ज्युपिटर, संचेती हॉस्पिटलमध्ये नवीन 125 आयसीयू बेड्स आणि 100 ऑक्सिजन बेड्स लवकरच उपलब्ध केले जाणार आहेत, अशी माहिती महापौरांनी दिली आहे.
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!
त्याचबरोबर PMRDA च्या माध्यमातून बालेवाडीत 800 बेड्स नव्याने उपलब्ध केले जाणार आहेत. त्यात 200 आयसीयू आणि 600 ऑक्सिजन बेड्सचा समावेश असेल. पुणे महापालिकेच्या माध्यमातून 3 ऑगस्टपर्यंत 600 ऑक्सिजन बेड्स तयार केले जात आहेत. महापालिकेच्या कोविड केअर सेंटरमध्ये 10% बेड्स ऑक्सिजनचे केले जाणार आहेत. येत्या 2 दिवसात 50 ऑक्सिजन बेडस तात्काळ केले जाणार आहेत, असंही महापौर मोहोळ यांनी सांगितले.
गेल्या आठवडाभरापासून शहरात रुग्ण संख्या मोठ्या प्रमाणात वाढत आहे. बेडच्या संदर्भात तक्रारी वाढल्या होत्या. या पार्श्वभूमीवर महापौरांनी तातडीने बैठक घेत अधिकाऱ्यांना सूचना दिल्या आहेत.
संबंधित बातम्या :
पुण्याच्या महापौरांपाठोपाठ कुटुंबीयही कोरोनाच्या विळख्यात, मोहोळ कुटुंबातील आठ जणांना लागण
