Navratri 2026 : नवरात्रीत या 5 वस्तू घरी आणाच, तिसरी वस्तू तर तुम्हालाही आवडेल

श्रावणवरात्रीच्या पवित्र दिवसांमध्ये , देवी दुर्गेच्या नऊ रूपांची अत्यंत भक्तीभावाने पूजा केली जाते. देशात सर्वत्र भक्तीमय वातावरण आहे. असं म्हणतात की, काही वस्तू खरेदी करायला हव्यात… एवढंच नाही तर, या नऊ दिवसांच्या उत्सवादरम्यान देवीला विशेष पूजा आणि नैवेद्य अर्पण करण्याची पारंपरिक प्रथा आहे. धार्मिक मान्यतेनुसार, नवरात्रीच्या शुभ दिवसांमध्ये घरात काही विशेष वस्तू आणणं शुभ मानलं जातं. भक्तांचा असा विश्वास आहे की यामुळे घरात सकारात्मक वातावरण, आनंद, शांती आणि समृद्धी नांदेल.

हिंदू धर्मात तुळशीच्या रोपाला अत्यंत पवित्र स्थान आहे. दररोज पूजा केली जाणारी ही पवित्र वनस्पती नवरात्रीत घरात आणणं अत्यंत शुभ मानलं जातं. नवरात्रीत घरात तुळशीचं रोप आणून त्याची पूजा केल्याने घरात सुख, शांती, आनंद आणि समृद्धी येते. जर तुमच्या घरी तुळशीचे रोप नसेल, तर या पवित्र दिवसांमध्ये ते लावून त्याची पूजा करणं उत्तम ठरेल.

नवरात्रीत चांदीची नाणी खरेदी करणं शुभ मानलं जातं. विशेषतः देवी लक्ष्मी किंवा गणेशाची प्रतिमा असलेली चांदीची नाणी पूजेसाठी वापरली जातात. या नवरात्रीत असे चांदीचे नाणे खरेदी करून, ते पूजास्थानी ठेवून देवी धनलक्ष्मीची प्रार्थना केल्याने देवीचा आशीर्वाद मिळतो आणि धन व समृद्धी वाढते.

देवी दुर्गेच्या पूजेमध्ये लाल रंगाला विशेष महत्त्व आहे. त्यामुळे नवरात्रीच्या दिवसांमध्ये देवीला लाल रेशमी वस्त्रे, केशर, पेले आणि मणी यांसारख्या सजावटीच्या शुभ वस्तू अर्पण केल्या जातात. या वस्तू शुभ मानल्या जातात. देवीला या वस्तू अर्पण करून तिची पूजा केल्याने, देवी प्रसन्न होते आणि कुटुंबावर सर्व सुख-समाधानाचा वर्षाव करते.

पारंपरिक आणि वास्तुशास्त्रामध्ये मोराच्या पिसांना विशेष स्थान आहे. विशेषतः, भगवान कृष्णाला अत्यंत प्रिय असलेलं मोराचं पीस पूजाघरात किंवा घराच्या मुख्य प्रवेशद्वाराजवळ ठेवणं शुभ मानलं जातं. वास्तुशास्त्रानुसार, घरात मोराचं पीस आणल्याने नकारात्मक ऊर्जा दूर होते आणि घरात सकारात्मक ऊर्जा व शांती नांदते.

कमळाचे फूल पवित्रता आणि समृद्धीचे प्रतीक आहे. देवी लक्ष्मी आणि देवी दुर्गा यांच्या पूजेमध्ये कमळाला एक विशेष स्थान आहे. नवरात्रीदरम्यान देवी दुर्गेला कमळाचं फूल अर्पण करणं आणि त्याची पूजा करणं अत्यंत शुभ मानलं जातं. यामुळे केवळ मानसिक शांतीच मिळत नाही, तर कुटुंबातील सुख-समाधानही वाढते.

(डिस्क्लेमर: सदर लेखातील माहिती केवळ ज्योतिषशास्त्रीय गृहीतके आणि उपलब्ध माहितीवर आधारित आहे. आम्ही यातील तथ्यांची किंवा दाव्यांची पुष्टी करत नाही. अंधश्रद्धेला प्रोत्साहन देणे हा आमचा हेतू नाही.)