Pitru dosh : पितृदोष निवारणासाठी पितृपक्षात करा हा खास उपाय, पूर्वजांचा मिळेल आशीर्वाद
अनेकदा आपल्या पूर्वजांच्या काही इच्छा अपूर्ण राहिलेल्या असतात. त्यामुळे घरात पितृदोष निर्माण होतो. घरात पितृदोष निर्माण होऊ नये, पर्वजांचा आशीर्वाद आपल्याला मिळावा यासाठी पितृपक्षात विविध उपाय केले जातात, त्यातीलच एका उपायाबद्दल आज आपण जाणून घेणार आहोत. यामुळे तुमच्या घरातील पितृदोष दूर होतो.
अनेकदा आपल्या पूर्वजांच्या काही इच्छा या अपूर्ण राहिलेल्या असतात, किंवा पूर्वजांना आपल्याकडून काही अपेक्षा असतात. जर या अपेक्षांची पूर्तता झाली नाही तर तुमच्या घरात पितृदोष निर्माण होतो. ज्या घरात पितृदोष निर्माण होतो, त्या घरात पैसा कधीच टिकत नाही. तुम्ही कितीही कष्ट करा, तुमच्या हातात पैसा तर येतो, मात्र दुसऱ्याच क्षणी तो कोणत्या न कोणत्या कारणामुळे खर्च होतो. त्याच प्रमाणे पितृदोषाचा दुसरा महत्त्वाचा संकेत म्हणजे तुमच्या महत्त्वाच्या कामात अनेकदा विलंब होतो, काही न काही अडचणी निर्माण होतात. घरात काहीही कारण नसताना अचानक वादविवाद वाढतात. कुटुंबातील व्यक्तींचं एकमेकांसोबत पटत नाही, या सारखे संकेत मिळत असतात. त्यामुळे पितृदोष दूर करणं गरजेचं असतं. ज्या व्यक्तीच्या कुंडलीमध्ये पितृदोष आहे, अशा व्यक्तींसाठी वास्तुशास्त्रामध्ये काही उपाय सांगण्यात आले आहेत. हे उपाय पितृपक्षात केले तर आपल्याला इच्छित फळाची प्राप्ती होऊन पितृदोष दूर होतो, असं वास्तुशास्त्रामध्ये सांगण्यात आलं आहे. आज आपण अशाच एका सोप्या उपायाबद्दल माहिती जाऊन घेणार आहोत.
पितृपक्ष किंवा पितृपंधरवाडा हा हिंदू धर्मामध्ये महत्त्वाचा मानला जातो. आपल्या पूर्वजांचं स्मरण करण्याचा हा काळ असतो.घरातील पितृदोष दूर व्हावा, आपल्या पूर्वजांचे आशीर्वाद सदैव आपल्यावर राहावते, यासाठी लोक पितृपक्षात विविध उपाय करतात. जसं की पित्रांच्या नावाने तर्पण केलं जातं. पित्रांचं श्राद्ध घातलं जातं. त्यांचं स्मरण केलं जातं. आपल्या पूर्वजांच्या नावाने या काळात दान धर्म देखील केला जातो, यामुळे तुमचे पूर्वज समाधानी होतात, घरातील पितृदोषाचा त्रास कमी होतो, असं वास्तुशास्त्रामध्ये सांगण्यात आलं आहे. मात्र या व्यतिरिक्त देखील तुम्ही आणखी एक उपाय करू शकता.
पितृपक्षामध्ये एक मातीचं किंवा धातूचं छोटं भांड घ्या, त्यामध्ये गायीच्या शेणापासून बनवलेली गौरी टाकावी, त्या गौरीवर थोडा भिमसेनी कापूर टाकावा, तसेच एक दोन लंवगा देखील टाकाव्यात लंवगामुळे तुमच्या घराच्या आसपास असलेली सर्व प्रकारची नकारात्मक शक्ती दूर होते. त्यानंतर यामध्ये थोडे काळे तीळ टाकावेत, थोडं शुद्ध गावरान तूप देखील टाकावं, हे मिश्रण पेटवावं आणि याचा धूर संपूर्ण घरात फिरवावा, त्यानंतर हे भांड तुमच्या मुख्य दरवाजाच्या बाहेर दक्षिण दिशेला तोंड करून ठेवून द्यावं, पितृ पक्षाच्या पंधरवाड्यात तुम्ही कधीही हा उपाय करू शकतात, या उपायामुळे तुमच्या घरातील पितृदोष दूर होतो.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
