Pitru Paksha 2026: बापरे! पितृपक्षात केस कापले तर काय होते? अनर्थ टाळण्यासाठी नक्की वाचा

पितृपक्ष सुरू आहे. यावर्षी पितृपक्ष २६ सप्टेंबर ते १० ऑक्टोबरपर्यंत राहणार आहे. याला श्राद्धपक्ष असेही म्हटले जाते. पितृपक्षाबाबत अनेक मान्यता आहेत, ज्यांचे लोक पालन करतात. पण त्यामागील मूळ कारण मात्र त्यांना माहीत नसते. अशीच एक मान्यता पितृपक्षात केस न कापण्याची आहे. हिंदू धर्मात पितृपक्षात केस कापणे वर्ज्य मानले जाते. काही लोकांचे मत आहे की यामुळे पितर रुष्ट होतात. हिंदू धर्माचा प्रमुख ग्रंथ धर्मसिंधू याबाबत अधिक अचूक माहिती देतो.

धर्मसिंधूमध्ये एक श्लोक आहे-

पितृपक्षे न कर्तव्यं क्षौरं श्राद्धदिने क्वचित्। कृते तु तत्र क्षौरे तु केशाः पितृमुखे पतन्ति ॥

या श्लोकाचा अर्थ असा आहे की पितृपक्षात श्राद्धाच्या दिवशी कधीही क्षौरकर्म करू नये. म्हणजे श्राद्धाच्या दिवसांत दाढी-केस कापणे टाळावे. असे म्हटले जाते की जर श्राद्धाच्या दिवशी क्षौर केले तर कापलेले केस पितरांच्या मुखात पडतात. म्हणूनच ज्योतिषी लोकांना सल्ला देतात की श्राद्धाच्या दिवसांत केस कापल्याने पितरांच्या मुखात केस पडतात आणि त्यामुळे ते रुष्ट होतात.

श्राद्धात कोणकोणते कार्य वर्ज्य?

केस-दाढीशिवाय आणखी अनेक कार्ये श्राद्धाच्या दिवसांत न करण्याचा सल्ला दिला जातो. या दिवसांत नखे इत्यादी कापणे टाळावे. विवाह, साखरपुडा, गृहप्रवेश, मुंडन यांसारखे संस्कारही टाळावेत. या दिवसांत नवीन दुकान किंवा नवीन व्यवसाय सुरू करणेही टाळावे. तसेच या पवित्र काळात सात्त्विक पदार्थांचेच सेवन करावे. लसूण, कांदा, हिंग यांसारखे तामसिक पदार्थ आणि अंडी किंवा मांसाचे सेवन करू नये.

पितृपक्ष २०२६ चा कॅलेंडर

पौर्णिमा श्राद्ध – २६ सप्टेंबर २०२६, शनिवार

प्रतिपदा तिथी श्राद्ध – २७ सप्टेंबर २०२६, रविवार

द्वितीया श्राद्ध – २८ सप्टेंबर २०२६, सोमवार

तृतीया श्राद्ध – २९ सप्टेंबर २०२६, मंगळवार

चतुर्थी आणि पंचमी तिथीचे श्राद्ध – ३० सप्टेंबर २०२६, बुधवार

षष्ठी तिथीचे श्राद्ध – १ ऑक्टोबर २०२६, गुरुवार

सप्तमी तिथीचे श्राद्ध – २ ऑक्टोबर २०२६, शुक्रवार

अष्टमी तिथीचे श्राद्ध – ३ ऑक्टोबर २०२६, शनिवार

नवमी तिथीचे श्राद्ध – ४ ऑक्टोबर २०२६, रविवार

दशमी तिथीचे श्राद्ध – ५ ऑक्टोबर २०२६, सोमवार

एकादशी तिथीचे श्राद्ध – ६ ऑक्टोबर २०२६, मंगळवार

द्वादशी तिथीचे श्राद्ध – ७ ऑक्टोबर २०२६, बुधवार

मघा तिथीचे श्राद्ध – ७ ऑक्टोबर २०२६, बुधवार

त्रयोदशी तिथीचे श्राद्ध – ८ ऑक्टोबर २०२६, गुरुवार

चतुर्दशी तिथीचे श्राद्ध – ९ ऑक्टोबर २०२६, शुक्रवार

सर्वपितृ अमावस्या – १० ऑक्टोबर २०२६, शनिवार

बाळासाहेब थोरात आणि ठाकरे बंधूंचा एकत्र प्रवास

(Disclaimer: वरच्या लेखातील माहिती ही प्राथमिक स्वरुपाची आहे. आम्ही या माहितीची पुष्टी करत नाही किंवा समर्थनही देत नाही. या लेखाच्या माध्यमातून अंधश्रद्धा पसरवण्याचा आमचा उद्देश नाही.)