Arjun Tendulkar Wedding : अर्जुन तेंडुलकरच्या गळ्यात पडून…वरमाला गळ्यात पडताच सानियाने केलं असं काही की…व्हिडीओची तुफान चर्चा!
सचिन तेंडुलकरचा मुलगा अर्जुन तेंडुलकर विवाहबद्ध झाला आहे. त्याने सानिया चंडोक हिच्याशी लग्न केले आहे. त्यांच्या विवाहाचा व्हिडीओ सध्या सोशल मीडियावर व्हायरल होत आहे.
Arjun Tendulkar Marriage : गेल्या अनेक दिवसांपासून क्रिकेटचा देव म्हणून ओळख असलेल्या सचिन तेंडुलकरचा मुलगा अर्जुन तेंडुलकरच्या लग्नाची चर्चा होती. तेंडुलकर कुटुंबीय या लग्नाची तयारी करत होते. सचिन तेंडुलकर आणि त्याची पत्नी अंजली तेंडुलकर यांनी देशातील अनेक दिग्गज राजकीय नेते, मोठे उद्योजक, प्रसिद्ध अभिनेते, अभिनेत्री यांना या लग्नाची आमंत्रणपत्रिका दिली होती. आता अर्जुन तेंडुलकर आणि सानिया चंडोक हे विवाहबंधनात अडकले आहेत. या विवाह सोहळ्यात अपेक्षेप्रमाणे अनेक दिग्गज उपस्थित होते. दरम्यान या दोघांचे लग्न नेमके कसे झाले असेल? लग्नातील तामजाम कसा होता? असा प्रश्न अनेकांना पडला आहे. आता या सर्व प्रश्नांची उत्तरं मिळाली आहेत. कारण त्यांच्या लग्नाचा एक व्हिडीओ सोशल मीडियावर व्हायरल झाला आहे.
विवाहाला कोण कोण उपस्थित?
अर्जुन आणि सानिया यांच्या लग्नाला अनेक दिग्गजांना हजेरी लावली आहे. याआधी अर्जुन-सानियाच्या मेहंदी कार्यक्रमाला माजी क्रिकेटपटू हरभजन सिंग, इरफान पठाण, युवराज सिंग या खेळाडूंनी उपस्थिती दर्शवली. या दोघांच्या विवाहसोहळ्याला महेंद्रसिंह धोनी, सुनील गावस्कर, मनसेचे प्रमुख राज ठाकरे, सिनेसृष्टीतील जया बच्चन, अभिषेक बच्चन, अमिताभ बच्चन, ऐश्वर्या राय यांनी हजेरी लावली. भारतातील दिग्गज उद्योजक असलेल्या मुकेश अंबानी यांचे कुटुंबीयही या विवाह सोहळ्याला उपस्थित होते.
लग्नातील व्हिडीओ व्हायरल
अर्जुन आणि सानिया यांच्या लग्नातील व्हिडीओ आता समोर आल आहे. हा विवाह शाही थाटात पार पडला आहे. विवाहाप्रसंगी सचिन तेंडुलकर आणि अंजली तेंडुलकर वधू-वर म्हणजे सानिया चंडोक यांच्या बाजूल उभे आहेत. अंजली तेंडुलकर यांच्या हातात दिवा असलेले ताट आहे. तर सचिनच्या हातात फुलं आहेत. सचिन अर्जुन आणि सानिया यांच्यावर फुलं धळताना दिसतोय. दुसरीकडे अर्जुनने सानियाच्या गळ्यात वरमाला टाकली आहे. अर्जुनने वरमाला टाकताच सानियाला खूप आनंद झालेला दिसतोय. ती आनंदात अर्जुनच्या गळ्यात पडली आहे. या दोघांचा हाच व्हिडीओ सध्या सगळीकडे व्हायरल होत आहे.
