IND vs PAK: पाकिस्तानच्या जखमेवर बीसीसीआयनं मीठ चोळलं, थेट जागा दाखवून दिली, ऐकून पाकला झोंबतील मिर्च्या

IND vs PAK: आशियाई क्रीडा स्पर्धेतील फायनल सामन्यात भारत आणि पाकिस्तान यांच्यात सामना रंगला. या सामन्यात नेहमीप्रमाणे भारतीय संघाने बाजी मारली, भारत आणि पाकिस्तान संघातील सामना म्हटलं की भारताचा विजय हा आता ठरलेलाच असतो.  पाकिस्तानला पराभवाचा झटका दिल्यानंतर बीसीसीआयने पाकिस्तानच्या जखमेवर मीठ चोळले आहे.

बीसीसीआय अध्यक्ष मिथुन मनहास यांनी शनिवारी कट्टर प्रतिस्पर्धी पाकिस्तानला पराभूत करून आशियाई क्रीडा स्पर्धेतील सुवर्णपदक कायम राखल्याबद्दल भारतीय पुरुष क्रिकेट संघाचे कौतुक केले. बीसीसीआय अध्यक्ष मिथुन मनहास म्हणाले की, “यापूर्वी, भारतीय महिला संघाने गेल्या आठवड्यात आपले सुवर्णपदक कायम राखले होते. आपण गतविजेते आहोत आणि संघाने यावेळी ज्या प्रकारे कामगिरी केली आहे ती कौतुकास्पद आहे, विशेषतः दबावाखाली केलेल्या कामगिरीबद्दल मला आनंद आहे. त्यांनी कट्टर प्रतिस्पर्धी पाकिस्तानला पराभूत केले, जे खरं तर आव्हानात्मक नाहीये. भारतीय संघाची बरोबरी जगातील इतर कोणताही संघ करू शकत नाही.” पाकिस्तान खरं तर आव्हानात्मक वाटत नाही असं म्हणतं त्यांनी पाकिस्तानला लिंबी टिंबू संघ म्हटले आहे आणि त्यांची लायकी काढली आहे.

मी येथे जय शाह यांचे पुन्हा एकदा आभार मानू इच्छितो. ते त्यावेळी (बीसीसीआयचे) सचिव होते आणि हा संघ उभारण्यात त्यांचे योगदान महत्त्वपूर्ण ठरले आहे. केवळ पुरुष संघच नाही, तर आमच्या महिला संघानेही (एकदिवसीय) विश्वचषक जिंकला आहे. यात त्यांचे योगदान खूप मोठे आहे. त्यामुळे, त्यांचेही विशेष आभार.” असं म्हणंत मन्हास यांनी जय शाह यांचे कौतुक केले आहे. मन्हास यांनी आशियाई खेळांमधील विजय क्रिकेट चाहत्यांना आणि सशस्त्र दलांना समर्पित केला. ते म्हणाले, “माझ्या मते, हा विजय भारतीय संघासाठी प्रार्थना करणाऱ्या लाखो चाहत्यांना, विशेषतः देशासाठी आपल्या प्राणांचे बलिदान देणाऱ्या सैनिकांना समर्पित केला पाहिजे.”

शेवटच्या षटकापर्यंत अतिशय रोमांचक सामना रंगत होता पण शेवटी विजय हा भारतीय संघाचाच झाला. १९ धावांनी सामना जिंकला आणि भारतीय संघाने जापानमध्ये तिरंगा फडकावला.