Ajinkya Rahane | चौथ्या कसोटीत कुलदीपऐवजी वॉशिंग्टन सुंदरला संधी का दिली, कॅप्टन रहाणे म्हणतो….

वॉशिंग्टन सुंदरने (washington sunder) पदार्पणातील सामन्यात अष्टपैलू कामगिरी केली.

Ajinkya Rahane | चौथ्या कसोटीत कुलदीपऐवजी वॉशिंग्टन सुंदरला संधी का दिली, कॅप्टन रहाणे म्हणतो....
कुलदीप यादव आणि वॉशिंग्टन सुंदर
Follow us
| Updated on: Jan 25, 2021 | 4:21 PM

मुंबई : ” कुलदीप यादवची (Kuldeep Yadav) ऑस्ट्रेलिया दौऱ्यात (India Tour Australia 2020) फिरकीपटू म्हणून निवड करण्यात आली होती. कुलदीप संघात स्थान बनवण्यासाठी प्रबळ दावेदार होता. पण आम्हाला बेस्ट प्लेइंग इलेव्हन निवडायची होती. आम्ही चौथ्या सामन्यात पाच गोलंदाजांसह खेळण्याबाबत विचार करत होतो. वॉशिंग्टन सुंदर (washington sunder) बोलिंगसह बॅटिंगही करतो. बॅटिंग त्याचा प्लस पॉइंट आहे. यामुळे सुंदरला संघात संधी देण्यात आली. चौथ्या कसोटीसाठी कुलदीपला घ्यायचा की सुंदरला हे ठरवणं फार अवघड होतं”, असं स्पष्टीकरण ऑस्ट्रेलियाविरोधातील कसोटी मालिकेतील टीम इंडियाचं नेतृत्व करणारा अजिंक्य रहाणेने (Ajinkya Rahane)दिलं. (aus vs ind 4th test captain ajinkya rahane Revealed why select washington sunder over kuldeep yadav)

चौथ्या सामन्याआधी टीम इंडियाचा फिरकीपटू रवीचंद्रन अश्विन दुखापतग्रस्त झाला. त्यामुळे चौथ्या सामन्यात अश्विनच्या जागी संघात कुलदीपला संधी मिळणं अपेक्षित होतं. कुलदीपला या मालिकेतील शेवटच्या सामन्यात तरी प्लेइंग इलेव्हनमध्ये चान्स मिळेल, असं वाटलं होतं. पण तसं झालं नाही. कुलदीपला वगळून सुंदरला संधी देण्यात आली. यामुळे कुलदीपच्या चाहत्यांमध्ये एकच नाराजीचं वातावरण पाहायला मिळालं.

मालिकेनंतर रहाणे कुलदीपला काय म्हणाला?

कुलदीपला संपूर्ण कसोटी मालिकेत खेळण्याची संधी मिळाली नाही. मालिका विजयानंतर कर्णधार रहाणेने ड्रेसिंगरुममध्ये सहकाऱ्यांसोबत संवाद साधला. यावेळेस रहाणे कुलदीपला उद्देशून म्हणाला, ” संपूर्ण मालिकेत तुला संधी मिळाली नाही, हे तुझ्यासाठी फार त्रासदायक ठरलं असेल. तुला संधी मिळाली नाही. यानंतरही तु पॉझिटिव्ह होतास. तुला नक्कीच प्लेईंग इलेव्हनमध्ये संधी मिळेल, तु फक्त मेहनत करत रहा.

वॉशिंग्टनची ‘सुंदर’ कामगिरी

सुंदरने मिळालेल्या संधीचं सोनं केलं. या पदार्पणातील सामन्यात त्याने टीम इंडियाच्या विजयात महत्वाची भूमिका बजावली. सुंदरने पहिल्या आणि दुसऱ्या डावात गोलंदाजी करताना अनुक्रमे 3 आणि 1 अशा एकूण 4 विकेट्स घेतल्या. तसेच पहिल्या डावात टीम इंडिया अडचणीत असताना सुंदर आणि शार्दुल ठाकूरने सातव्या विकेटसाठी निर्णायक 123 धावांची भागीदारी केली. या भागीदारीदरम्यान 62 धावांची अर्धशतकी खेळी केली. तर दुसऱ्या डावात महत्वपूर्ण 22 धावा केल्या. सुदंरने अष्टपैलू कामगिरी करत कर्णधार रहाणेचा निर्णय बरोबर ठरवला.

तसेच सुंदरची इंग्लंडविरोधातील पहिल्या 2 कसोटींसाठीही निवड करण्यात आली आहे. या कसोटी मालिकेची सुरुवात 5 फेब्रुवारीपासून होणार आहे. इंग्लंड भारत दौऱ्यावर येणार आहे. इंग्लंड या दौऱ्यात कसोटी, टी 20 आणि एकदिवसीय मालिका खेळणार आहेत.

संबंधित बातम्या :

Aus vs Ind, 4th Test | नटराजन आणि वॉशिंग्टनचा कारनामा, पदार्पणात अफलातून कामगिरी

Ajinkya Rahane | विराट आणि अजिंक्यमध्ये कॅप्टन्सीसाठी टक्कर? काय म्हणतो अजिंक्य !

(aus vs ind 4th test captain ajinkya rahane Revealed why select washington sunder over kuldeep yadav)

Non Stop LIVE Update
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.