2011 च्या वर्ल्ड कपमध्ये खेळला, धोनीच्या चेन्नईला चॅम्पियन बनवलं, आता ऑस्ट्रेलियात करतोय ड्रायव्हरची नोकरी

हा खेळाडू वर्ल्ड कप 2011 मध्ये खेळला आहे. तसेच आयपीएलमध्ये चेन्नई सुपर किंगजचे प्रतिनिधित्व केलं आहे.

2011 च्या वर्ल्ड कपमध्ये खेळला, धोनीच्या चेन्नईला चॅम्पियन बनवलं, आता ऑस्ट्रेलियात करतोय ड्रायव्हरची नोकरी
हा खेळाडू वर्ल्ड कप 2011 मध्ये खेळला आहे. तसेच आयपीएलमध्ये चेन्नई सुपर किंगजचे प्रतिनिधित्व केलं आहे.
Follow us
| Updated on: Feb 28, 2021 | 1:02 PM

कॅनबेरा : श्रीलंकेचा माजी क्रिकेटपटू सुरज रनदीवने (Suraj Randiv) आपलं क्षेत्र बदललं आहे. आता रनदीव थेट बस चालकाची नोकरी करत आहे. श्रीलंकेचा हा खेळाडू ऑस्ट्रेलियामध्ये बस चालकाची नोकरी (suraj randiv bus driver) करत आहे. रनदीव मेलबर्नमधील ट्रान्सडेव या कंपनीसाठी ड्रायव्हर म्हणून काम करत आहे. रणदीव यासोबतच तिथे एका स्थानिक क्लबसाठीही क्रिकेट खेळत आहे. (Former Sri Lankan cricketer Suraj Randiv is working as a bus driver in Australia)

आंतरराष्ट्रीय क्रिकेट कारकिर्द

श्रीलंकेच्या या खेळाडूने तिनही फॉरमेटमध्ये आपल्या संघाचे प्रतिनिधित्व केलं आहे. तसेच तो भारतात झालेल्या 2011 च्या वर्ल्ड कपमध्ये श्रीलंका संघाचा सदस्य होता. रणदीवने एकूण 12 कसोटींमध्ये 46 विकेट्स घेतल्या आहेत. तर 31 एकदिवसीय सामन्यांमध्ये 36 बळी मिळवले आहेत. तर 7 टी 20 मॅचेसमध्ये 7 फलंदाजांना माघारी पाठवलं आहे. तसेच बॅटिंग करताना त्याने सर्वाधिक 56 धावा केल्या होत्या. ही त्याची आंतरराष्ट्रीय क्रिकेटमधील सर्वोच्च धावसंख्या ठरली होती. सूरजने आपला अखेरचा देशांतर्गत सामना एप्रिल 2019 मध्ये खेळला होता.

रणदीव आता चालकाची भूमिका बजावत आहे. पण त्याने क्रिकेटसोबतचं नातं तोडलेलं नाही. आपली नोकरी सांभाळत तो ऑस्ट्रेलियामधील स्थानिक (Dandenong Cricket Club) डांडेनॉंग क्रिकेट कल्बमधून खेळतो आहे. या क्लबकडून जेम्स पॅटिन्सन आणि पीटर सीडलही खेळतात. जेव्हा टीम इंडिया ऑस्ट्रेलिया दौऱ्यावर होती, तेव्हा रणदीवने ऑस्ट्रेलियाच्या गोलंदाजांना फिरकीचे धडे दिले होते.

आयपीएलमध्ये चेन्नईचे प्रतिनिधित्व

रणदीव आतंरराष्ट्रीय क्रिकेट व्यतिरिक्त भारतात होणाऱ्या सर्वात मोठ्या अर्थात आयपीएल स्पर्धेतही खेळला आहे. त्याने 2012 मध्ये महेंद्रसिंह धोनीच्या नेतृत्वात चेन्नई सुपर किंग्जसचे प्रतिनिधित्व केलं होतं. तेव्हा चेन्नईने विजेतेपद पटकावलं होतं. यामध्ये रणदीवने महत्वाची भूमिका बजावली होती. त्याने या मोसमात 8 सामन्यात 6 विकेट्स घेतल्या होत्या.

नो बॉल आणि सेहवागचं शतक अपूर्ण

टीम इंडिया विरुद्धच्या सामन्यात रणदीवने नो बॉल टाकत वीरेंद्र सेहवागला शतक झळकावण्यापासून वंचित ठेवलं होतं. त्याचं झालं असं की, श्रीलंकेने प्रथम फलंदाजी करत भारताला विजयासाठी 171 धावांचे आव्हान दिले होते. हा एकदिवसीय सामना होता. भारताने 4 विकेट्स गमावल्या होत्या.

सेहवाग मैदानात टिकून होता. भारताला 5 धावांची आवश्यकता होती. सेहवाग 95 धावांवर खेळत होता. म्हणजेच टीम इंडियाला विजयासाठी आणि सेहवागला शतकासाठी 5 धावांची गरज होती. सामन्यातील 35 वी ओव्हर रणदीव टाकायला आला. या ओव्हरमधील पहिल्या चेंडूवर सेहवागने फोर लगावला. यामुळे सेहवागला शतकासाठी अवघ्या 1 धावेची आवश्यकता होती.

दुसरा आणि तिसरा चेंडू सेहवागने डॉट केला. म्हणजेच या चेंडूवर धाव मिळाली नाही. पण तेव्हा रणदीवने रडीचा डाव केला. पुढील चौथ्या चेंडूवर सेहवागने पुढे येत शानदार सिक्स खेचला. यासह भारताचा विजय झाला. तर सेहवाग शतक पूर्ण झाल्याचं सेलिब्रेशन करु लागला. पण तेवढ्यात फिल्ड अंपायरने हा चेंडू नो बॉल असल्याचा इशारा दिला. रणदीवने सेहवागला शतकापासून रोखण्यासाठी जाणीवपूर्वर नो बॉल टाकला. यामुळे नो बॉलची धाव ही एक्स्ट्रामध्ये काऊंट झाली. अशामुळे सेहवाग शतकापासून वंचित राहिला. यामुळे सेहवाग 99 धावांवर नाबाद राहिला. या घटनेमुळे भारतीय चाहत्यांना आणि सेहवागला रणदीव चांगलाच लक्षात आहे.

संबंधित बातम्या :

अश्विन, कुंबळे, हरभजन की कपिल देव, टीम इंडियाचा सर्वात मोठा मॅच विनर कोण?

6 शहरांमध्ये रंगणार आयपीएलच्या 14 व्या मोसमाचा थरार, मुंबईकर चाहत्यांसाठी निराशाजनक बातमी

(Former Sri Lankan cricketer Suraj Randiv is working as a bus driver in Australia)

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.