IND vs SL 1st T20: श्रीलंकेविरुद्ध आज असा असू शकतो संघ, इशान किशन की, संजू सॅमसन कोणाला संधी देणार?

नवी दिल्ली: भारत आणि श्रीलंकेमध्ये (India vs Srilanka) आजपासून तीन टी-20 सामन्यांच्या मालिकेला सुरुवात होणार आहे. लखनऊमध्ये पहिला सामना खेळला जाईल. मागच्याच आठवड्यात वेस्ट इंडिज विरुद्धच्या (India vs West indies) तीन वनडे आणि तीन टी-20 (T-20 Series) सामन्यात भारताने क्लीन स्वीप केलं. भारताने वनडे आणि टी-20 सामन्यांची मालिका सहज खिशात घातली. श्रीलंकेविरुद्धच्या मालिकेतही असाच विजय मिळवण्याचा टीम इंडियाचा प्रयत्न असेल. पण श्रीलंकेकडून तोडीची टक्कर मिळू शकते. कारण श्रीलंका आशिया खंडातील संघ आहे. भारताप्रमाणे श्रीलंकेच्या क्रिकेटपटूनाही फिरकीला अनुकूल असलेल्या खेळपट्टीवर चांगला सराव आहे. त्यामुळे श्रीलंकेचा संघ नवखा भासत असला, तरी आव्हान तितकं सोपं नसेल. पण मायदेशात खेळण्याचा टीम इंडियाला नक्की फायदा होईल. रवींद्र जाडेजा, जसप्रीत बुमराह हे खेळाडू आजच्या सामन्याद्वारे पुनरामगन करणार आहे. संजू सॅमसनचाही टी-20 संघात समावेश करण्यात आला आहे. त्यामुळे आजच्या सामन्यात संजू सॅमसन की, इशान किशन रोहित कोणाला संधी देणार? त्याची उत्सुक्ता आहे. इशान किशन मागच्या काही सामन्यात अपयशी ठरला होता.

कोणा-कोणाला दिली विश्रांती?

जाडेजा दुखापतीमुळे मागचे दोन-अडीच महिने क्रिकेटच्या मैदानापासून दूर होता. आता तो पूर्णपणे फिट झाला आहे. जसप्रीत बुमराहला विश्रांती देण्यात आली होती. माजी कर्णधार विराट कोहली, ऋषभ पंत यांना श्रीलंकेविरुद्धच्या मालिकेसाठी विश्रांती देण्यात आली होती. केएल राहुलच्या अनुपस्थितीत ऋषभ पंत विंडिज विरुद्धच्या मालिकेत उपकर्णधार होता. केएल राहुल, वेगवान गोलंदाज दीपक चाहर आणि विंडिज विरुद्धची मालिका गाजवणारा सूर्यकुमार यादव यांना दुखापतीमुळे संघाबाहेर आहेत.

रोहितला कठीण निर्णय घ्यावे लागतील

रवींद्र जाडेजाचा संघात समावेश करताना रोहित शर्माला काही कठीण निर्णय घ्यावे लागतील. जाडेजाच्या अनुपस्थितीत वेंकटेश अय्यर, दीपक चाहर आणि शार्दुल ठाकूर यांना ऑलराऊंडर म्हणून संधी देण्यात आली. तिघांनी चांगली कामगिरी केली. जाडेजा संघात नसताना रवी बिश्नोई आणि युजवेंद्र चहल हे दोन फिरकी गोलंदाजांना एकत्र खेळवण्यात आलं. जाडेजा संघात परतल्यानंतर टीम एकाच स्पेशलिस्ट गोलंदाजाला संघात कायम ठेवू शकते. कारण जड्डू स्वत: उत्तम फिरकी गोलंदाज आहे.

आजच्या श्रीलंकेविरुद्धच्या पहिल्या वनडेसाठी असा असू शकतो संघ

रोहित शर्मा (कॅप्टन), ऋतुराज गायकवाड, श्रेयस अय्यर, इशान किशन, वेंकटेश अय्यर, रवींद्र जाडेजा, हर्षल पटेल, भुवनेश्वर कुमार, मोहम्मद सिराज, जसप्रीत बुमराह, युजवेंद्र चहल,

India Predicted XI vs Sri Lanka 1st T20 Will Ishan Kishan continue to open? Jadeja, Bumrah’s return bolster side