कसोटी आणि वनडे खेळण्यासाठी टीम इंडिया दक्षिण आफ्रिका दौऱ्यावर जाणार, टी-20 मालिका स्थगित

भारतीय क्रिकेट संघ या महिन्यात होणाऱ्या दक्षिण आफ्रिकेच्या दौऱ्यावर जाणार आहे पण केवळ कसोटी आणि एकदिवसीय सामने खेळणार आहे. टी-20 मालिका नंतर खेळवली जाईल. अशी माहिती बीसीसीआयचे सचिव जय शाह यांनी दिली आहे.

कसोटी आणि वनडे खेळण्यासाठी टीम इंडिया दक्षिण आफ्रिका दौऱ्यावर जाणार, टी-20 मालिका स्थगित
indian cricket team

मुंबई : भारतीय क्रिकेट संघ या महिन्यात होणाऱ्या दक्षिण आफ्रिकेच्या दौऱ्यावर जाणार आहे पण केवळ कसोटी आणि एकदिवसीय सामने खेळणार आहे. टी-20 मालिका नंतर खेळवली जाईल. बीसीसीआयचे सचिव जय शाह यांनी ही माहिती दिली. भारतीय संघ दक्षिण आफ्रिकेत फक्त तीन एकदिवसीय आणि तीन कसोटी सामने खेळणार आहे तर टी-20 मालिका नंतर आयोजित केली जाईल. कोरोनाच्या ओमिक्रॉन या नवीन व्हेरिएंटमुळे या दौऱ्यावर काळे ढग दाटून आले होते, हा दौरा पुढे ढकलला जाईल किंवा रद्द केला जाण्याची भीती व्यक्त केली जात होती. परंतु बीसीसीआयने काही बदल करून हा दौरा पूर्ण करण्याचा निर्णय घेतला आहे. केवळ टी-20 मालिका पुढे ढकलली आहे. (India to tour South Africa for 3 Tests and 3 ODIS, T20Is to be played later says Jay Shah)

भारताचा हा दौरा 17 डिसेंबरपासून सुरू होणार आहे. जय शाह यांनी एएनआय या वृत्तसंस्थेला सांगितले की, “बीसीसीआयने सीएसएला सांगितले आहे की, भारतीय संघ तीन कसोटी आणि तीन एकदिवसीय सामन्यांसाठी दक्षिण आफ्रिकेचा दौरा करेल. त्याचवेळी चार सामन्यांची टी-20 मालिका नंतर खेळवली जाईल.

प्रेक्षकांविना सामने खेळवले जाणार

या दौऱ्यातील सामने प्रेक्षकांशिवाय खेळवले जातील, असेही पीटीआयने आपल्या वृत्तात सांगितले होते. सीएसएसाठी भारताचा हा दौरा खूप महत्त्वाचा आहे. कारण या दौऱ्यातून सीएसएला टीव्ही हक्कांद्वारे कोट्यवधी रुपयांची कमाई होणार आहे.

बीसीसीआयच्या अधिकाऱ्याने सांगितले की, “आम्हाला मिळालेली माहिती अशी आहे की, सीएसएने तयार केलेला बायो बबल सुरक्षित आहे. तसेच, हा विषाणू किती धोकादायक आहे हे सांगू शकेल असा कोणताही डेटा आतापर्यंत उपलब्ध नाही. तसेच या दौऱ्याबाबत सरकारकडून आम्हाला कोणतीही माहिती मिळालेली नाही. टीम लवकरच बायो बबलमध्ये प्रवेश करेल आणि चार्टर फ्लाइटने निघून जाईल. जरी विलंब झाला तरी, ते बबल टू बबल ट्रान्सफर असेल.

इतर बातम्या

IND vs NZ : एजाज पटेलचा ‘चौकार’, मयंक अग्रवालचं शतक, टीम इंडियाची दिवसअखेर 4 बाद 214 पर्यंत मजल

IND vs NZ | सुमार कामगिरी की दुखापत, लोकल बॉय रहाणेच्या डच्चूमागील कारण काय?

IND vs NZ, 2nd Test, Day 2, Live Score: भारत 250 पार, मयंक-अक्षर मैदानात

(India to tour South Africa for 3 Tests and 3 ODIS, T20Is to be played later says Jay Shah)

Published On - 12:16 pm, Sat, 4 December 21

Click on your DTH Provider to Add TV9 MARATHI