IND vs SA, 2nd ODI: राहुल-पंत गोंधळले, पण दक्षिण आफ्रिकेच्या फिल्डर्सनी त्या पुढची मोठी चूक केली, पाहा कॉमेडी VIDEO

डरबन: पार्लमध्ये (Paarl) सुरु असलेल्या दुसऱ्या वनडे सामन्यात दक्षिण आफ्रिकेने (South Africa) कॅप्टन केएल राहुलला (KL Rahul) रनआऊट करण्याची एक सोपी संधी दवडली. केशव महाराज आणि एंडिले फेहुलकवायो यांच्यात बॉल कलेक्ट करण्यावरुन गोंधळ उडाला. 15 व्या षटकाच्या शेवटच्या चेंडूवर हा प्रकार घडला. राहुल आणि पंत एकाच एंडवर उभे होत, तरीही दक्षिण आफ्रिकेला रनआऊट घेता आलं नाही.

केशव महाराजच्या गोलंदाजीवर पंतने मारलेला फटका मिडविकेटला उभ्या असलेल्या क्षेत्ररक्षकाकडे गेला. पंत धाव घेण्यासाठी क्रीझमधून बाहेर निघाल्यानंतर राहुलही दुसऱ्या एंडला पोहोचण्यासाठी निघाला. राहुल खेळपट्टीच्या मध्यापर्यंत पोहोचल्यानंतर चेंडू क्षेत्ररक्षकाच्या हातात गेल्याने पंत पुन्हा माघारी फिरला. त्यावेळी दोन्ही फलंदाज स्ट्राइक एन्डला होते.

दक्षिण आफ्रिकेला धावबाद करण्याची खूप सोपी संधी होती. कॅप्टन बावुमाने नॉन स्ट्राइक एन्डला थ्रो केलेला चेंडू महाराजला पकडता आला नाही. त्यानंतर मिडऑफला असलेला फेहुलकवायोलाही तो चेंडू पकडून लगेच थ्रो करण्यात अपयशी ठरला. त्याने बॉल अडवला पण ज्या गतीने हे सर्व घडायला पाहिजे होते, ते झालं नाही. त्यामुळे दक्षिण आफ्रिकेने एक सहज विकेट मिळवण्याची संधी सोडली.

Incredible pic.twitter.com/GejwkP5iLp

— Benaam Baadshah (@BenaamBaadshah4) January 21, 2022

आश्चर्य म्हणजे दक्षिण आफ्रिकेच्या फिल्डर्समध्ये कुठलाही ताळमेळ दिसला नाही. चेंडू व्यवस्थित पकडलेला नाहीय, हे राहुल-पंतला माहितच नव्हतं. राहुलने तर विकेट जाणार हे गृहितच धरलं होतं. पण चेंडू कोणाच्या हातातच नाहीय, हे लक्षात आल्यानंतर तो सुरक्षितपणे माघारी परतला. त्यावेळी भारताच्या दोन बाद 70 धावा झाल्या होत्या. याच जोडीने तिसऱ्या विकेटसाठी शतकी भागीदारी रचली.