India vs Sri Lanka, 2nd ODI live streaming: भारत विरुद्ध श्रीलंका, सामना कधी, कुठे आणि कसा पाहणार?
भारतीय क्रिकेट संघ आणि श्रीलंका क्रिकेट संघातील दुसऱ्या एकदिवसीय सामन्याला श्रीलंकेच्य़ा सामना तासांतच सुरु होणार आहे. शिखर धवन पहिल्यांदाच भारताचे कर्णधारपद सांभाळणार असल्याने आज नेमकी तो कशी रणनीती आखतो ते पाहावे लागेल.
कोलंबो : भारतीय क्रिकेट संघ (Indian Cricket Team) पहिल्या सामन्यातील दमदार विजयानंतर दुसऱ्या सामन्यासाठी सज्ज झाला आहे. कर्णधार शिखर धवनच्या (Shikhar Dhawan) नेतृत्त्वाखाली दुसराही सामना खिशात घालून मालिकेत विजयी आघाडी घेण्याचा भारतीय संघाचा डाव आहे. तर श्रीलंका (Sri Lanka Cricket Team) दुसऱ्या सामन्यात विजय मिळवून मालिकेत बरोबरी साधण्याचा प्रयत्न करणार आहे. कोलंबोच्या आर. प्रेमादासा स्टेडियममध्ये (R Premadas Stadium) हा आजचा सामना खेळवला जाणार आहे.
पहिल्या सामन्यात गोलंदाजी आणि विशेष करुन फलंदाजीमध्ये भारतीय संघाने अप्रतिम कामगिरी केली. पृथ्वी शॉ (Prithvi Shaw) आणि इशान किशन (Ishan Kishan) यांनी तुफानी फलंदाजी केली. तर कर्णधार शिखर धवनने संयमी नाबाद 86 धावा करत संघाला विजय मिळवून दिला. गोलंदाजीत फिरकीपटूंनी कमालीची गोलंदाजी केली. ज्यात कुलदीपने आणि चहलने प्रत्येकी 2 विकेट घेतल्या तर कृणाल पांड्याने एक विकेट घेतली. हार्दीक पांड्याने देखील 1 विकेट आपल्या नावे केला. श्रीलंका संघाकडून कर्णधार शनाकाने 39 तर धावा केल्या तर अखेरच्या षटकांत फलंदाजीला आलेल्या करुणारत्ने यानेही तुफान फटकेबाजी करत 43 धावा लगावल्या. गोलंदाजीमध्ये कोणत्याच श्रीलंकन खेळाडूला खास कामगिरी करता आली नाही. आता दुसऱ्या सामन्यात दोन्ही संघ कशी कामगिरी करणार हे पाहावं लागेल.
सामना कुठे खेळविला जाणार
भारत आणि श्रीलंका यांच्यातील दुसरा एकदिवसीय सामना मंगळवार, 20 जुलै रोजी कोलंबोच्या आर. प्रेमादासा मैदानावर खेळवला जाईल.
सामन्याला कधी सुरुवात होणार?
भारत आणि श्रीलंका यांच्यातील सामना भारतीय वेळेनुसार दुपारी 3 वाजता सुरू होईल.
सामना कुठे पाहणार?
भारत आणि श्रीलंका संघ यांच्यातील दुसरा एकदिवसीय सामना सोनी स्पोर्ट्स नेटवर्कवर थेट प्रसारित होईल.
लाईव्ह स्ट्रिमिंग कुठे?
भारत आणि श्रीलंका यांच्यातील या सामन्याचं Live Streaming SONY LIVE वर असेल.
हे ही वाचा :
टीम इंडियासमोर श्रीलंकेची हाराकिरी, भारताचा लंकेवर 7 गडी आणि 80 चेंडू राखून मोठा विजय
(India vs Sri Lanka 2 Odi Live Streaming when and where to Watch online free in Marathi)
