IND vs WI: चित्त्यासारखी झेप घेत रोहित शर्माने झेल टिपला, फिटनेसवरुन बोलणाऱ्यांना चपराक, पाहा VIDEO
India Vs West Indies T20: भारत आणि वेस्ट इंडिज यांच्यात खेळवण्यात आलेल्या तिसऱ्या टी-20 सामन्यात भारतीय संघाने विजय मिळवला आहे. या विजयासह भारतीय संघाने (Team India) वेस्ट इंडिजचा 3-0 असा पराभव केला.
India Vs West Indies T20: भारत आणि वेस्ट इंडिज यांच्यात खेळवण्यात आलेल्या तिसऱ्या टी-20 सामन्यात भारतीय संघाने विजय मिळवला आहे. या विजयासह भारतीय संघाने (Team India) वेस्ट इंडिजचा 3-0 असा पराभव केला. तिसऱ्या सामन्यात प्रथम फलंदाजी करताना भारतीय संघाने वेस्ट इंडिजसमोर 185 धावांचे लक्ष्य ठेवले होते. यामध्ये सूर्यकुमार यादवने (Suryakumar Yadav) झंझावाती खेळी करताना 31 चेंडूत 65 धावा केल्या. याशिवाय व्यंकटेश अय्यरने 19 चेंडूत 35 आणि इशान किशनने 31 चेंडूत 34 धावा केल्या. भारताच्या गोलंदाजीबद्दल बोलायचे झाले तर हर्षल पटेलने जबरदस्त गोलंदाजी करत 22 धावांत 3 बळी घेतले. याशिवाय व्यंकटेश अय्यरने 2, दीपक चहरने 2 आणि शार्दुल ठाकूरने 2 बळी घेतले. दरम्यान, भारतीय संघाचा कर्णधार रोहित शर्माने (Rohit Sharma) सर्वोत्तम झेल टीपला. शेवटचे षटक टाकत असलेल्या शार्दुल ठाकूरच्या तिसऱ्या चेंडूवर वेस्ट इंडिजच्या डॉमिनिक ड्रेक्सने जोरदार प्रहार केला, मात्र त्याच वेळी रोहित शर्माने चेंडूच्या दिशेने झेप घेतली आणि अलगद झेल टिपला.
रोहित शर्माने डॉमिनिक ड्रेक्सचा झेल टिपल्यावर सर्वांनाच आश्चर्य वाटले. कारण हा झेल जमिनीलगत आणि खूप अवघड होता, मात्र कर्णधार रोहित शर्माने डाईव्ह मारत हा झेल पूर्ण केला. त्याचे अनेक व्हिडिओ सोशल मीडियावर व्हायरल होत आहेत.
व्हिडीओ पाहा
वडापाव खाण्यावरुन, फिटनेसवरुन बोलणाऱ्यांना ‘फिटमॅन’ची चपराक
20 वं षटक, शार्दुल ठाकूरच्या तिसऱ्या चेंडूवर डॉमिनिक ड्रेक्सने जोरदार फटका लगावला, पण रोहितने शानदार डाईव्ह मारत अलगद झेल टिपला. #INDvsWI #RohitSharma #SuryakumarYadav #INDvWI pic.twitter.com/z8SEeJIPyf
— अक्षय चोरगे (Akshay Chorge) (@AkshayChorge1) February 21, 2022
सूर्याने संघाला अडचणीतून बाहेर काढलं
भारतीय संघ अडचणीत असताना सूर्यकुमार फलंदाजीला आला. इशान किशन बाद झाल्यावर तो फलंदाजीला आला. इशान बाद झाल्यानंतर रोहित शर्माही लवकर पॅव्हेलियनमध्ये परतला. भारताची धावसंख्या 13.5 षटकांत 4 विकेट्सच्या बदल्यात 93 धावा अशी होती. येथून सूर्यकुमारने अॅक्सिलेटरवर पाय ठेवत वेगाने धावा केल्या. डावाच्या शेवटच्या चेंडूवर तो बाद झाला. रोमारिया शेफर्डच्या चेंडूवर रोव्हमन पॉवेलने त्याचा झेल टिपला. सूर्यकुमारने शेवटच्या षटकातील पहिल्या, चौथ्या आणि पाचव्या चेंडूवर षटकार ठोकला. त्याने आपल्या खेळीत सात षटकार आणि एक चौकार लगावला. 65 ही सूर्यकुमार यादवची त्याच्या आंतरराष्ट्रीय टी-20 कारकीर्दीतली सर्वोच्च खेळी ठरली आहे.
व्हिडीओ पाहा
चित्त्यासारखी झेप घेत रोहित शर्माने झेल टिपला, फिटनेसवरुन बोलणाऱ्यांना चपराक pic.twitter.com/zfEW56P6wK
— अक्षय चोरगे (Akshay Chorge) (@AkshayChorge1) February 21, 2022
व्यंकटेश अय्यरची साथ
या सामन्यात पुन्हा एकदा व्यंकटेश अय्यरने चांगली फलंदाजी करत सूर्यकुमारला साथ दिली. दोघांनी मिळून 37 चेंडूत 91 धावा केल्या. अय्यरने 19 चेंडूंत चार चौकार आणि दोन षटकारांच्या मदतीने नाबाद 35 धावा केल्या. शेवटच्या पाच षटकांमध्ये या जोडीने तुफानी धावा केल्या आणि एकूण 86 धावा जोडल्या. अय्यर आणि सूर्यकुमार या जोडीने पहिल्या सामन्यातही भारताला विजय मिळवून दिला होता. या जोडीने सामना फिनिश केला होता. त्या सामन्यात सूर्यकुमारने नाबाद 34 आणि व्यंकटेशने नाबाद 24 धावा करत संघाला विजय मिळवून दिला होता. व्यंकटेशने दुसऱ्या सामन्यातही चांगली खेळी करत 33 धावा केल्या. तो सातत्याने खालच्या फळीत संघासाठी योगदान देत आहे.
इतर बातम्या
IND vs WI : वेस्ट इंडिजचा कंजूष गोलंदाज, ज्याच्यासमोर रोहित-इशान आणि विराटही हतबल
IND vs WI : पहिल्या 5 चेंडूत 2 DRS, दोन्ही सक्सेसफुल, पण फायदा टीम इंडियालाच! नेमकं घडलं काय?
