IND vs WI: वेस्ट इंडिज विरुद्धच्या ODI सीरीजसाठी भारताची जोरदार तयारी, शाहरुख खानसह आणखी एक जण स्टँडबायवर

टीव्ही 9 मराठी डिजीटल टीम

टीव्ही 9 मराठी डिजीटल टीम | Edited By: दीनानाथ मधुकर परब, Tv9 मराठी

Updated on: Jan 30, 2022 | 11:13 AM

भारताने वेस्ट इंडिज विरुद्धच्या (IND vs WI) आगामी वनडे मालिकेसाठी (One day series) आधीच संघाची घोषणा केली आहे. निवड समितीने या संघामध्ये आणखी दोन खेळाडुंची नाव जोडली आहेत.

IND vs WI: वेस्ट इंडिज विरुद्धच्या ODI सीरीजसाठी भारताची जोरदार तयारी, शाहरुख खानसह आणखी एक जण स्टँडबायवर
shahrukh-sai kishore AFP Photo

मुंबई: भारताने वेस्ट इंडिज विरुद्धच्या (IND vs WI) आगामी वनडे मालिकेसाठी (One day series) आधीच संघाची घोषणा केली आहे. निवड समितीने या संघामध्ये आणखी दोन खेळाडुंची नाव जोडली आहेत. सध्यातरी हे दोन्ही खेळाडू मुख्य संघाचा भाग नसतील. पण गरज पडल्यास त्या दोघांचा टीम इंडियामध्ये समावेश केला जाईल. BCCI ने सध्या या दोन्ही खेळाडूंना स्टँडबायवर ठेवलं आहे. शाहरुख खान (Shahrukh Khan) आणि साई किशोर अशी बीसीसीआयने स्टँडबायवर ठेवलेल्या दोन खेळाडुंची नाव आहेत. आगमी वेस्ट इंडिज विरुद्धच्या वनडे सीरीजसाठी दोन खेळाडूंना स्टँडबायवर ठेवण्याचा निर्णय शनिवारी घेण्यात आला. कोरोनाच्या तिसऱ्या लाटेचा सीरीजवर कुठलाही परिणाम होऊ नये, यासाठी बोर्डाने हा निर्णय घेतला आहे. बीसीसीआयमधील सूत्रांनी टाइम्स ऑफ इंडियाला ही माहिती दिली.

शाहरुख खान फिनिशर
शाहरुख खान तामिळनाडूचा मधल्याफळीतील फलंदाज आहे. सामना संपवण्याची क्षमता त्याच्याकडे आहे. देशांतर्गत स्पर्धा आणि आयपीएलमध्ये शाहरुख खानने फिनिशरचा खेळ दाखवला आहे. त्याशिवाय फिरकी गोलंदाज साई किशोरलाही तयार ठेवण्यात आले आहे. या दोघांशिवाय तामिळनाडूच्याच वॉशिंग्टन सुंदरचा वेस्ट इंडिज विरुद्धच्या वनडे मालिकेसाठी आधीच संघात समावेश करण्यात आला आहे.

तामिळनाडूच्या अडचणी वाढल्या
या तीन खेळाडूंना भारतीय संघात स्थान मिळाल्यामुळे तामिळनाडूला आपल्या रणजी संघासाठी तीन अन्य पर्याय शोधावे लागतील. रणजीमध्ये कसा संघ उतरवायचा, यासंबंधी पुढच्या दोन दिवसात निर्णय होईल. वनडे सीरीज संपल्यानंतर वॉशिंग्टन सुंदर पुन्हा तामिळनाडूकडून खेळणार आहे.

टी.नटराजनला मिळू शकते संधी
डावखुरा वेगवान गोलंदाज टी.नटराजनचा तामिळनाडूच्या रणजी संघात समावेश होऊ शकतो. पण त्याआधी त्याला फिटनेस टेस्ट पास करावी लागेल. नटराजनच्या गुडघ्याला दुखापत झाली आहे. त्यामुळे मागच्या दोन महिन्यांपासून तो संघाबाहेर आहे. त्याला टीम इंडियात स्थान मिळालेले नाही. रणजी करंडक स्पर्धा 13 फेब्रुवारीपासून सुरु होईल. यामध्ये विजय शंकर तामिळनाडूचे नेतृत्व करेल.

6 फेब्रुवारीपासून वनडे सीरीज
6 फेब्रुवारीपासून भारत आणि वेस्ट इंडिजमध्ये वनडे मालिकेला सुरुवात होईल. नऊ फेब्रुवारीला दुसरी आणि 11 फेब्रुवारीला तिसरा वनडे सामना होईल.

india vs west indies shahrukh khan sai kishore added as stand byes in indian squad

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI