KKR vs DC : कोलकाता विरुद्ध दिल्लीने टॉस जिंकला, बॅटिंग कुणाची?

Image Credit source: BCCI/IPL

आयपीएलच्या 17 व्या मोसमातील 47 व्या सामन्यात कोलकाता नाईट रायडर्स विरुद्ध दिल्ली कॅपिट्ल्स आमनेसामने आहेत. ऋषभ पंत याच्याकडे दिल्ली कॅपिट्ल्सचं नेतृत्व आहे. तर श्रेयस अय्यर कोलकाताची कॅप्टन्सी करणार आहे. या सामन्याचं आयोजन हे ईडन गार्डनमध्ये करण्यात आलं आहे. या सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस झाला. दिल्लीच्या बाजूने नाणेफेकीचा कौल लागला. कॅप्टन ऋषभ पंतने पहिले बॅटिंगचा निर्णय घेतला आहे.

दोन्ही संघात बदल

दिल्ली आणि कोलकाता या दोन्ही संघांनी प्लेईंग ईलेव्हनमध्ये बदल केला आहे. दिल्लीने सलामीवीर पृथ्वी शॉ याला कुमार कुशाग्रा याच्या जागी संधी दिली आहे. सतर रसीख डार सलाम याचा मुकेश कुमार याच्या जागी समावेश करण्यात आला आहे. तर कोलकाता टीममध्ये आयपीएलच्या इतिहासातील सर्वात महागड्या गोलंदाजाची एन्ट्री झाली आहे. मिचेल स्टार्कला वैभव अरोराच्या जागी संधी दिली गेली आहे.

दिल्ली पराभवाचा वचपा घेणार?

दिल्ली विरुद्ध कोलकाता नाईट रायडर्स हे दोन्ही संघ या मोसमात दुसऱ्यांदा आमनेसामने आले आहेत. याआधी 3 एप्रिल रोजी उभयसंघात आमनासामना झाला होता. तेव्हा केकेआरने मोठ्या फरकाने दिल्लीचा धुव्वा उडवला होता. कोलकाताने तेव्हा दिल्लीवर 106 धावांनी विजय मिळवला होता. त्यामुळे आता दिल्लीकडे केकेआरचा पराभव करुन गेल्या पराभवाचा वचपा घेऊन प्लेऑफच्या दिशेने एक पाऊल पुढे टाकण्याची दुहेरी संधी आहे. आता यात कोण यशस्वी ठरणार, याकडे क्रिकेट चाहत्यांचं लक्ष असणार आहे.

दिल्लीने टॉस जिंकला

कोलकाता नाइट रायडर्स प्लेइंग ईलेव्हन : श्रेयस अय्यर (कर्णधार), फिलिप सॉल्ट (विकेटकीपर), सुनील नरेन, व्यंकटेश अय्यर, आंद्रे रसेल, रिंकू सिंग, रमणदीप सिंग, मिचेल स्टार्क, वैभव अरोरा, हर्षित राणा आणि वरुण चक्रवर्ती.

दिल्ली कॅपिटल्स प्लेइंग ईलेव्हन : ऋषभ पंत (कॅप्टन आणि विकेटकीपर), पृथ्वी शॉ, जेक फ्रेझर-मॅकगर्क, अभिषेक पोरेल, शाई होप, ट्रिस्टन स्टब्स, अक्षर पटेल, कुलदीप यादव, रसिक दार सलाम, लिझाद विल्यम्स आणि खलील अहमद.