सचिनच्या मुलाचं मुंबई इंडियन्सकडून 50 % इन्क्रीमेन्ट! अर्जुनला अखेर मुंबईनं आपल्याच पलटनमध्ये ठेवलं

IPL Auction 2022 : र्जुन कोणत्या संघातून आयपीएलच्या मैदानात उतरतो आणि कशी कामगिरी करतो, यावर सगळ्यांचच लक्ष लागलेलं होतं. अर्जुन तेंडुलकर हा डावखुरा फलंदाज आणि गोलंदाज असून तो सध्या 22 वर्षांचा आहे.

अखेर अर्जुन तेंडुलकरला मुंबईनच घेतलं!

सिद्धेश सावंत | Updated on: Feb 13, 2022 | 8:36 PM

मुंबई : दिग्गज खेळाडूंवर कितीची बोली लागते, याकडे जशी नजर सगळ्यांची असते, तशीच नजर ही छोट्या खेळाडूंवरही असते. अशातच आता जर का अर्जुन तेंडुलकरवर (Arjun Tendulkar) नजर नाही राहिली, तरच आश्चर्य! पण आतापर्यंतच्या बोलीत तरी अर्जुन तेंडुलकरचं नाव समोर आलं नव्हतं. अखेर रात्री उशिरा अर्जुनच्या नावावर बोली लावण्यात आली. मात्र तोपर्यंत ट्वीटरवर आणि इतर सोशल मीडियावर चर्चांना उधाण आलं होतं. मुंबई इंडियन्स (Mumbai Indians) अर्जुन तेंडुलकरला आपल्यासोबत ठेवणार की नाही? असा प्रश्न उपस्थित केला जात होत. गेल्याच वर्षी मुंबई इंडियन्सनं अर्जुन तेंडुलकरला आपल्या चमूत सामील करुन घेतलं होतं. त्यानंतर अर्जुन तेंडुलकरवर 20 लाखाची बेस प्राईज ठेवत त्याचा लिलाव केला गेला. यावेळी अर्जुन तेंडुलवरवर कितीची बोली लागते, याकडे सगळ्यांची नजर लागली होती. सचिन तेंडुलकरचा मुलगा (Son of Sachin Tendulkar) असलेल्या अर्जुनला मुंबई आपल्यासोबत ठेवणार काही नाही, याचीच जास्त चर्चा रंगली असतानाच मुंबईनं अर्जुनला रिटेन केलंय.

View this post on Instagram

A post shared by Arjun Tendulkar (@arjuntendulkar24)

मुंबईनं आपल्याच पलटनमध्ये ठेवलं!

आयपीएल ऑक्शनचा रविवार हा दुसरा दिवस आहे. रविवारी दिवसभरात वेगवेगळ्या छोट्या मोठ्या खेळाडूंवर बोली लावण्यात आल्या. यावेळी अनेकांची नजर ही अर्जुन तेंडुलकरच्या बोलीकडे लागलेली होती. अखेर अर्जुन तेंडुलकरला 30 लाखात विकत घेण्यात आलंय. मुंबई इंडियन्सं अर्जुला विकत घेतलंय.

त्यामुळे अनेकांनी व्यक्त केलेली शक्यता अखेर खरी ठरली आहे. मुंबईन सचिनच्या मुलाला रिटेन केलं असून त्यासाठी 30 लाख रुपये मोजलेत. 2021मध्येही अर्जुन मुंबई इंडियन्सच्या सोबत होता. सचिन तेंडुलकर हा देखील आयपीएल सुरु झाल्यापासूनच मुंबई इंडियन्स संघासोबत जोडला गेलेला आहे. त्यामुळे मुंबई इंडियन्स संघासोबत सचिनचे आणि संघ व्यवस्थापनाचेही जवळचे संबंध आहेत. अशातच अर्जुनला मुंबई इंडियन्स रिलीज करण्याची शक्यताही कमी असल्याचंच बोललं जातं होतं. अखेरीस झालंही तसंच

View this post on Instagram

A post shared by Arjun Tendulkar (@arjuntendulkar24)

20 लाख बेस प्राईज..!

अर्जुन तेंडुलकरवर 20 लाख बेस प्राईज ठेवण्यात आलं आहे. त्यामुळे तो सोल्ड होतो की अनसोल्ड राहतो, याकडे अनेक जाणकारांची बारीक नजर होती. मुंबईसोबतच गुजरानंही अर्जुनसाठी बोली लावली होती. मात्र अखेर मुंबई इंडियन्सनं 30 लाखात त्याला विकत घेतलंय. गेल्या वर्षी जखमेमुळे अर्जुनला मुंबई इंडियन्सकडून एकाही सामन्यात खेळण्याची संधी मिळाली नव्हती.

View this post on Instagram

A post shared by Arjun Tendulkar (@arjuntendulkar24)

दरम्यान, यावेळी अर्जुन कोणत्या संघातून आयपीएलच्या मैदानात उतरतो आणि कशी कामगिरी करतो, यावर सगळ्यांचच लक्ष लागलेलं होतं. अर्जुन तेंडुलकर हा डावखुरा फलंदाज आणि गोलंदाज असून तो सध्या 22 वर्षांचा आहे. भारताच्या अंडर-19 संघातही अर्जुनचा समावेश झाला होता.

ट्वीटरवर ट्रेन्ड!

सध्या ट्वीटरवर अर्जुन तेंडुलकर ट्रेन्ड होत असून अनेकांनी तो कुठं आहे? त्याची बोली कधी लागणार असा सवाल उपस्थित केला जात होता. दिवसभर आयपीएल चाहत्यांनी अर्जुनच्या बोलीवरुन वेगवेगळ्या चर्चाही सुरु केल्या होत्या. अखेर मुंबईनं त्याला आपल्याच चमूत कायम ठेवलंय.